مهزوم

بيانات اضافيه [ + ]

رقم العضوية : 2802  تاريخ التسجيل :  10 2002  أخر زيارة : 15-07-2003 (10:15 PM)  المشاركات : 8 [ + ]  التقييم :  10

لوني المفضل : Cadetblue

الدكتور السبيعي و بسسسسسس .. ممكن ؟

اولا سلام عليكم يا دكتور
ثانيا ابي اقولك اني احبك في الله ,,,,

بصراحة يا دكتور انا حالتي حالة .. عمري 21 سنة... انسان ضايع ... مشكلتي اني ما افكر بعواقب الاشياء قبل ما اسويها , مستعجل , ألح على الشي اذا دخل دماغي عشان احصل عليه و المصيبة الاكبر اني افكر بقلبي و عقلي لأ .. قلبي دايما جايبني للخلف , عاطفي فوق ما تتصور , و الاكبر من هذا كله اني عشت حياة انطواء قاربت الـ 6 سنوات ... و من البديهي كان تأثيرها سلبي على علاقتي مع أهلي و جيراني و أقاربي و أصدقائي و الناس ... اعصب على اتفه الحاجات مهما كانت ....... الرهاب الاجتماعي , الخوف من المستقبل , الاكتئاب , عدم الثقة بالنفس , و اكثر من هذا انا عايشه الحين ... اذا احد طلب مني شي .. اسويه مهما كان هذا الشي صعب ( بعون الله اسويه قدر استطاعتي ) .. حرماني من الجانب العاطفي كان له تأثير سلبي جدا على حياتي و الدليل ( اني اول بنت اكلمها في حياتي تعلقت فيها بسرعة ... و انقطعت علاقتي معها كمان بسرعة ) خجول .. مجامل .. كذاب ( احيانا ;) ) و حاجات يا دكتور و الله ما اقدر اوصفها لك ... ........ لي صديق دايم يقول ( انت ما تشوف ابعد من خشمك ) و الصديق هذا انا دايم ما امشي على كلامه .. يعني يقول سوي كذا , و اسوي عكسه تمام .. نصحني كم مرة اني الحق على نفسي قبل ما اضيع , لكن رديت عليه و قلت له ( بعد فوات الاوان ؟ ) اشوف الشباب عايشين في هنا و سعادة ( بغض النظر عن السلبيات اللي يسووها ) دايم اتمنى و اقول في نفسي يا ريتني مثلهم .. اجلس احيانا يا دكتور اتندم على كل لحظة مرت من حياتي لدرجة اني ابكي بكاء الطفل الصغير.

اسف على الكلام الكثير و اللي فعلا مو مرتب .. لكن انا كتبت اللي جا في بالي و السموحة :1: :1: :1: :1: :1: :1: :1:

المصدر: نفساني