|
ولدي متعبني ... مين عنده حل ...؟
السلام عليكم
انا ولدي عمره سنه و9 شهور وحركته كثيره وشقي .. مايحب يجلس هادي بسيطه على اللي يسوي ...
اول حاجه ماعرف ايش قصته على التكسير والرمي بالارض كل ماشاف حاجه بمكانها او على طاوله مسكها ورمها مادري ايش يحس في وكل ماشاف كاس ولا صحن قزاز يروح يرمي بالارض لازم يكسره بعد مايكسره يسوي نفسه خايف وكانو مو هو اللي كسره طبعا جربت معاه كل حاجه ضرب خناق ادب حوار مافي نتيجه ولا كاني اسوي حاجه ...العادة عالقه في نفسي ابعدها عنه ويفشلني دايم عند الناس لازم يكسر عندهم حاجه ..
ثاني حاجه يضرب بسبب وبدون يضرب وبس يمشي ويعطي كفوف لاي صغير حوله وكمان مايفهم لا بضرب ولا تهديد ولا ادب ولا حاجه يعاند بزيادة ويزيد ضرب ماعرف كمان ايش يحس في ..والصراحه الناس اللي حوله بدت تتذمر منه وتكرها ولا تحب يكون موجود لانو يجلس الجميع على اعصابه وماتجي بيده الا الاشياء الخطيره ويشيلها ويرميها ولا يعرف فين حتى بس يرمي ويخرب كثير يحوس البيت يشيل ويحط ...وقدام الناس الاغراب يبدء يستعرض ويزيد من هالاشياء في البيت يسويها بس بنسبه اقل بشوي بس لما يشوف احد جديد يجلس يتجنن وينط ويضرب ويخرب .. الله يهديه
ثالث حاجه في طبع الانانيه وانا مو حابه هالطبع في يعني يبغى كل حاجه له وحده حتى لما يلعب مع احد لازم يمتلك كل الالعاب ولا يحب يعطي ولا حاجه للطفل الاخر بس له هو حتى لو اللعبه متشابهه ياخذهم كلهم بس مايعطي حاجه بس يحب يلعب مع الصغار بس اللعب اللي على مزاجه ياخذ العابهم والعابه كلهم واحاول في يعطيهم ابدا يبكي وينهار يعني مره يبكي وبالاخير اشيل كل الالعاب عنه واسكته بشكولاته ... ولا حليب
الحين ماعرف كيف اتصرف معاه وربي تعبت وخاصة الان لانو جاي بالطريق اخت له وماعرف كيف بسوي معاها اخاف يرميها بالارض يحسبها قطعه ... والله خايفه جدا
والله مو حابه ولدي لما يكبر يطلع عصبي والناس تكرها يارب ماعرف ايش اسوي نفسي يطلع عاقل ويعرف يتصرف مو جنان خاصة الناس صارت تتنرفز منه
والله بالدقيقه اقوم مرتين الحق ورى بدل مايسوي مصيبه ودايم اسكته واتعبه لما اروشه عشان يهدء يحب يتروش
والحين ابغى انظفه واشيل الحفاظة ماعرف كيف اتصرف هل ينفع ولا لا ...
..............؟؟؟
طولت بالمره ماصدقت اتكلم ...
جزاكم ربي كل خير
وشكرا مقدما
|