مكارم

بيانات اضافيه [ + ]

رقم العضوية : 28087  تاريخ التسجيل :  06 2009  أخر زيارة : 14-12-2009 (02:04 PM)  المشاركات : 6 [ + ]  التقييم :  10

لوني المفضل : Cadetblue

اخواني اظن اننا نخلط بين الرهاب والوسوسه
المساعده يا مختصين بالتوضيح ولكم جزيل الشكر
تعالو اسولفلكم شوي عن رهابي ولي معاها مواقف مؤلمه
اكره الاماكن المقفوله او الزحمه احس اني مخنوقه
مره كنت طالعه رحله مع عايله
وسيارتهم زحمه اختنقت ووقفتهم بنص الشارع
وانحرجت طبعا.. لكن ماقدرت اتماسك للنهايه
ونزلت على الرصيف وجلست ابكي وامهم تسمي علي
بس كانت اخر مره اطلع معهم .. خفت يتكرر الموقف
خصوصا اني ماكنت اقدر اقولهم الاسباب
.......................
واذكر يوم كنت اولى ابتدائي مدرستي دورين
الدنيا تحت والعليا فوق
وانا كنت بزقه الي طوله متر مايشوفني
ومن سوء حظي مره رحت عند الفصول العليا
وجات الصرفه وطلعت من بوابتهم
عاد مشالله من كل الاحجام
وحسيت انه دبابات فوق راسي وزحمه ومعارك
وكلن نفسي نفسي ..
محد حن على عينة البشر الي بين رجليهم
ماقمت اشوف الا جزم ومرايييل .. اختفت الشمس
وقتها كرهتهم من قلبي
وانا كنت اذا مشيت شلت منديلي ..
تخيلو عاد شكلي وسط هالحرب
مثل الكوره تتقاذفها الامواج هههههههههاي
على قد الروعه والبكا الي صار فيني على قد ما اموت ضحك اذا تذكرت الحين
طبعا دخلت بالزحمه طفله وطلعت قرده
الشعر منكووووووووش والمريول رايح فيها
ودموعي تهلي وادور بنت خالتي توديني البيت
....................
خلاص ضحكنا شوي يلا نجي للجد خخخخخخ
عندي رهاب فظيع من الالعاب الخطره
والاماكن المرتفعه والمغلقه ومن الزحمه .. اختنق علطول
انا رحت لمعالج نفسي لكن مابعد وصلنا للرهاب
بس انا عندي طريقه اتخلص فيها من بعض ضغوطي احيانا
وبعد تخليني اكسر حاجز الخوف
اروح الملاهي واطلع قطار الموت خخخخخخخخخ
عمري ماقدرت اركبه لاهو ولا اشباهه
اول مره بحياتي وانا عندي 28 سنه
بصراحه انزل منه مرتاحه ومتحررره من ضغوطي
اول مره كانت تجربه قاسيه علي
ترددت ترددت بطريقه فظيعه
كل مره اروح الملاهي انوي لكن ماقدرت
ومره من المراريييييييير تشجعت وقطعت التذكره وجلست تحت اللعبه احاتي
اطلع مطلع اطلع مطلع
وجلست ادور بالملاهي وهكذا اكلتني الحيره والخوف
والمشكله يومها ان اصغر بنت معاي تحبها وانا اكبرهم
تفشلتتتتتتت
تخيلو البنات الصغار يركبون وينزلون ويوقولونلي بايخه ما تخوف ماعندهم احسن منها ؟ .. خخخ
وانا بقلبي اقول هيهاااااااااااااااااااات
ثم اندفعت من غير تفكيييييييييييييير وقرررت امشي امشي من غير ما افكر
كل ذا عشان قطار الموت
ويوم جيت اركب >>> بعد تراجعت
وقالت وحده من البنيات الصغار تعالي جنبي هنا احلى
من زين الطبايع راكبه بالعربات الاواخر
قلت بقلبي يامن شراله من حلاله عله..
انا وش جابني مع هذيلي
والله ما راح افشل نفسي..واركب باول عربيه واقولها لااااا لا هنا ازين
واول ما قفلو الامانات .. بدت الكتمه معاي وتحرولت العين
وبدا الصراع النفسي
انا ليش خايفه .. اصغر مني بكثير وراكبين باخطر العربات وماخافو
انا اقدر .. انا مقدر .. انا اقدر..انا مقدر
ليش خايفه ؟..هذولي مهوب بشر ويخافون بعد؟
الي يصير راح يصير على الكل
يعني وشو ؟؟!!!..راح ازلق منها؟..مافيها شي...قضاء وقدر
كنت خايفه اموت غريقه .. معقول تكون نهايتي في قطااااااااااار؟
يلا المكتوب عالقبين لازم تشوفو العين
واتحصن واقرا قران وهكذاااااااااااااااااا
وهات ياسوالف مع نفسي والعربات قاعده تطلع على فوق عشان تستعد للاقلااااااع
وازمه
وانا طبعا مغمضه عيني ماقدرت افتحها
وقلت لا...لازم افتحها عشان اكسر حاجز الرعب والخوف
وهات ياصراعات وتشجيع في نفسي شوي واحساس اني تورطت شوي ثانيه
ولما اوقفت العربات فوق علشان تبدا الاقلاع حسيت اني بطيح على تحت وتوازني اختل
قلت خلاااااص يا مكارم الفاس طاح بالراس افتحي عييييييييينك
وافتح عيني وانصرع
ونملت رجلي ودخت وصار فتور وتنميل بكل جسمي وحسيت انه (بيغمن عليا)
والمشكله كنت وقتها نحيفه موتتتت يعني لو اغمي عليا راح ازلق من الامانات .. لنها واسعه شوي علي
وما تتصورون حجم الورطه والرعب الي انا فيه بسبب رهابي
وتماسكت
واول ما بدت العرباااااااااااااااات بالاننطلاق .. اطلقت معاها صرخه مدوووووووووووووووووووووووووووووووووووويه جدا ..خخخخ
الين رااااااااااااااح صوتي ومابقى عندي صرررررررررررراخ
طبعا نزلت وانا فرحااااااااانه وخفيفه
اضحك والعب ومستانسه
واطير مثل العصفوره ترا لالا لا ترا لالا لااا
هههههههههههههههههههههههههههههههههاااااااااااااااي
ومن يومها وانا اتبع هالطريقه كل ما اتاحتلي الفرصه