نفساني - عرض مشاركة واحدة

13-07-2009, 09:30 PM

أنا هناااااااااااااااااااااااااااااا .. :) ..

أخباااارك إييييييييه ..؟؟؟

ياااااااااه كم وحشتوني ..

من أربع ساعات بس .. خلّصت أول إمتحان ..

قعدت مع صحبتي ساعه .. وبقية الوقت كان في طريق العوده ..

ولسه راجعه على البيت ..

بس يومي كان يوم عجييييييييب .. و مليء بالأحداث ..

إتعطّل السوبرجت علينا في نص الطريق .. وصارت أعصابي خربانه على الآخر ..

لأن ده معناه إني كده ح أتأخر على الأمتحان ..

وطبعاً لأني في الطريق السريع .. ماأقدر أنزل لوحدي وأشوف مواصله تانية عشان توصلني على القاهره ..

كانت جمبي في السوبر جت حُرمه .. جلستْ تهدّيني لأنها عرفت إن معايا إمتحان .. وماسابتني ..

حتى إنها نزلت معايا على المترو وأتطمّنت عليا و بعدين سابتني وراحت شغلها ..

كانت طيبه جداً .. بس للأسف ماعرفت حتى إسمها ..

المهم ..

طبعاً وصلت للأمتحان متأخرة نص ساعة .. كان إمتحان لغة عربية ..

المهم .. شفت ورقة الأمتحان .. جاني إكتئاب حاد ..

الأمتحان طويل جداً .. وماكان المفروض أضيّع من وقت الأمتحان ولا دقيقة حتى ..

بس للأسف حضرتي ضاعت مني ثلاتين دقيقه بحالها ..

إللي كان مهوّن الموضوع عليا شويه إنو كان سهل .. بس الطلبات إللي طالبها الدكتور كانت كتير جداً ..

أنا إيدي وجعتني من كتر الكتابة بسرعة ..

بس أطمنك إني حلّيت الأسئلة كلها بس بإختصار شويه .. و في كذا كلمة مالحقت أكتب إعرابهم .. بسبب الوقت ..

أصل عمرك شفتي حد يطلب من الطلبة إعراب قطعة بحالها .. كاملة ..

عموماً الحمدالله الأمتحان يعتبر كده عدّى على خير ..

وأنا راجعه .. كمان في السوبر جت .. إتعرفت على بنّوتة في عمري حبوبة وطيبوبة ..

عايشه في طنطا زيي وبتسافر على القاهره شغل ..

إتفقنا نكون نتقابل ونكون نروّح على طنطا مع بعض ونونس بعض في الطريق الممل ده ..

وهادي كانت أحلى حاجة حصلتلي في يومي .. :) ..

و دلوقتي كل إللي بتمناه في اليوم ده .. لقمة طرية .. عشان أنا جعانه ..

ونومة هنية .. عشان ح امووووووووووت وأنام ..

.
.

والله ياريانه أنا مانسيت الأتفاق .. بس وقتي مقصّر معايا جداً ..

ح أكون إن شاء الله أطمنك بعد كل إمتحان ..

وأحكيلك وأصدّعك شوية بحكاياتي .. :) ..

دعواتك ياريووووووووووووووونه (( إيش رأيك بإسم الدلع الجديد هذا )) .. :) ..