المتفائل دائما

بيانات اضافيه [ + ]

رقم العضوية : 27726  تاريخ التسجيل :  05 2009  أخر زيارة : 21-04-2017 (06:29 AM)  المشاركات : 470 [ + ]  التقييم :  10

لوني المفضل : Cadetblue

اقتباس:

اكيد طولت عليكم الحمدلله ماجاني الي جاني قبل البارح الي اليوم بساحس شوي بضيقة واحاول مااعيرهااهتمام سؤالي هي هي نوبة هلع مااصابني وانت قلت انها ماتطول بس انا جلست ليلة تقريبااوانا احس بضيقة ومرة تزيد اقوم من مكاني وادور بالبيت ومرة تروحوارتاح وابغا انوم وفعلاا فية افكاراني باموتوشهذا الي فيني خووووف بس احس بضيقة وقتها شديدة هل ممكن يكون عين؟ والمراكز الي قلت عنها ياليت تقولي عنها اكثر لاني بالرياااض وابغا اغير حياتي واطور نفسي

العفو اختي كاتمه وجزاك الله كل خير على الدعاء..وما في اي ازعاج ابدا واي سؤال عندك انا حاضر


اختي كاتمه نوبة الهلع ما تقعد اكثر من 10 دقايق..لكنها ممكن بعد نص ساعه مثلا ترجع مره ثانيه....والشعور الي تحسين فيه طوال اليوم مثل ما قلتلك هذا الشعور الي يجي بعد النوبه وهو احساس بالتعب والضيق والخوف

اختي كاتمه اول شي تسوينه الان انك تروحين للطبيب النفسي وصدقيني يا اختي ان زيارة الطبيب نفسي مثلها مثل زيارة طبيب الباطنيه وطبيب الاسنان وطيبيب الجلديه وغيرهم من الاطباء..يعني لا تاخذين الموضوع بحساسيه زايده ولا تهولين من الامر.. الموضوع بسيط جدا

واشرحي لدكتور كل شي عندك وكل الارعاض الي تجيك
وراح يكتب لك على دواء تستخدميه لمده طويله مثلا 6 شهور او سنه او سنه ونص مثل البروزاك او السبراليكس او السبرام

وايضا راح يكتب لك على حبوب مهدئه تستخدمينها وقت الضروروه يعني وقت حدوث نوبة الهلع مثل الزاناكس..ولما تاخذين حبه وحده من الحبوب المهدئه راح تختفي اعراض الهلع بشكل كامل وبتحسين بالراحه والاطمئنان

اختي كاتمه في مثل هذه الحاله لا بد من العلاج الدوائي..وصدقيني ان العلاج الدوائي امن وفعال و ممتاز وراح تحسين بتحسن كبير وترجعين زي اول وافضل باذن الله

وبنسبه للعين اختي فالعين حق وممكن تصيب اي شخص وتسبب اي مرض..وعلاج العين معروف بالرقيه الشرعيه والماء المقري والشخص ممكن يمارس هذا العلاج في البيت بدون ما يروح لشيخ او مقرئ...لكن سواء كانت عين او ما كانت عين..لا بد من ان الشخص يبدأ بالعلاج الدوائي والعلاج السلوكي المعرفي.. وايضا يضيف لهم طبعا الرقيه الشرعيه الي هي مفيده في جميع الاحوال

وبنسبه للمراكز الي قلتلك عنها..المركز الي رحته انا هو الميدي كير وهو باشراف د.عبددالله السبيعي..وفيه اطباء نفسيين يعني مهمتهم انه يشخصون حالة المريض ويصرفون ادويه..وفي اخصائيين نفسين مهمتهم هي العلاج السلوكي المعرفي
وهذا موقعهم
www.medicare-clinics.com
وهذا تلفونهم
4708841

و المراكز الثانيه انا ما رحتها انا اسمع عنها بس مثل مركز النخبه على شارع التحليه حي العليا.. وفي مركز مطمئنه لكن ما اعرف وين مكانه بالضبط في الرياض

واذا لاحظتي يا اختي ان المواعيد طويله في هذه المراكز بسبب الزحمه يعني موعدك ممكن يجي بعد اسبوعين او شهر..ممكن تروحين اي مستشفى خاص يوجد فيه طبيب نفسي..لان علاج نوبات الهلع متشابه عند جميع الاطباء وان شاء الله بتلاقين العلاج الفعال عند اي طبيب بتروحين له