ريمووو

بيانات اضافيه [ + ]

رقم العضوية : 28331  تاريخ التسجيل :  07 2009  أخر زيارة : 21-04-2010 (11:56 PM)  المشاركات : 48 [ + ]  التقييم :  10

لوني المفضل : Cadetblue

مشكلتي مع اهلي

السللام عليكم

احنا عائلة ما ادري وش اقول عنها متفككة او مترابطة

احنا دايم نقعد مع بعض بس نسولف بس في امور سطحية كل واحد منا له عالمه الخاص اللي مستحيل يشارك فيه الآخرين

قبل فتره اختي كانت تكلم شباب كلمتها امي اكثر من مره تقريبا ضلت تكلمها سنه بس مافي فايده

فمنعوها من الدراسه وقفلوا عليها بغرفه لحالها
من 3 او 4 شهور

اللي استغربه لما نطلع عزيمه تجي معانا اختي هذي بس تصرفاتها عاديه ما في اكتئاب او حزن مبسوطة و تسولف مع هاذا و ذاك
وهذا اللي مجنني وين تفرغ مشاعرها وكيف ؟؟؟؟

انا مخلصة الجامعه و جلست فتره بالبيت بس الحين انا موظفه
و دوامي طويل و اغلب وقتي في البيت نوم ولا قعده لحالي

ما احب اقعد مع اهلي لاني احس رفض من امي

اهلي الان يشكون فيني وينك ؟؟؟ ليش ما تقعدين معنا ؟؟؟ ليش باب غرفتك مسكر خليه مفتوح ؟؟؟

( عمرهم ما سألوا عني الا بعد ما توظفت حتى الاكل ما كانوا ينادوني اذا جهز و كنت انقهر منهم كثير بس الحين انقلبوا مو حب و انما شك )

لما اقول لك مسكر مو يعني مقفل

بس مسكره الباب عادي ختى مو بالمفتاح تخيل يقولون خليه مفتوح

انا صراحة تعبت منهم كثييييييييييييييييييير

وصرت اقهرهم اكثر لما اقعد معاهم طول الوقت ماسكه الجوال و العب فيه علشان اقهرهم

احاول ارفع لهم الضغط و صرت اقعد اكثر بغرفتي علشان ينقهرون اكثر

صرت اتمني اطلع من البيت

لو اتزوج عجوز مخرف ما همني اهم شي اطلع

المشكله ان امي اللي تشك فيني تكلم شباب على الجوال مو اتكلم من فراغ شفت محادثاتها معاهم على المسن و تبادل الارقام

من جد كلن يرى الناس بعين طبعه

انا قل احترامي لامي كثير بعد ما عرفت عنها هالشي

دايما تحاول تشككك اخواني و خواتي في

آخرتها

قبل يومين كنت سهرانه اتفرج على انمي وراحت علي نومه

ما قمت غير 8.30

تقول لي امي ليش ما قمت مو تنامين العشا وش كنت تسوين


ترا حلمت لك حلم ( هاذي سالفتهم ) شين شوفي نفسك وش تسوين بجد طفشوني

وو صلوها معي
ما اقول غير حسبي الله

دكتور انا ابغى حل لمشكلتي هاذي

عمري 24
عمر اختي 23
عمر امي 50 او 49

احنا بالرياض ساكنين
الوالد متوفي


وشكرا

المصدر: نفساني