|
فرحـــــة ما اكتملــت ...
السلام عليكم ورحمة الله وبركاته
تصدقون يااخواني صارلي كم يوم في لحظة خلال 3 دقائق
ارجع لوضعي الطبيعي كما كنت في السابق وجميع الاعراض
تروح مرة وحدة واحس اني كل جزء في جسمي مرتاح تماما
وكل عرض موجود راح يعني مثل غصة الحلق وانتفاخات المعدة
وضيق النفس والكتمة ضيقة الصدر كل شي يروووح في 3 دقائق
حتي مرات اقعد افحص نفسي اقول يمكن انا غلطان ماراحت
الاعراض بس انا اكذب علي نفسي ؟؟ فعلا رجعت طبيعي
عندي نبض بالرقبة مسير علي تو هم خف هو بعد قعدت افكر
انا وش سويت وش اكلت ؟؟ ماسويت شي حياتي اليومية كما هي
واكلي هو ماتغير استغربت من اللي صار في 3 دقائق ،
فجاءة بعد ما راحت كل هالاعراض ترجع نفس ماكانت
وازود .. والله يااخواني لو تدرون شنو فرحتي في ثلاث دقائق
ماتصدقون فرحـــة واستانست كثيييييييير مااقدر اوصف
هالوناسة احس اني رديت زي اول واحسن كل اللي كان مضايقني
راح بس فرحة مااكتملت بعد 3 دقائق يرجع كل شي كما كان
تعبت والله صحيح اني حسيت بالراحة شوي بس تعبت اكثر
يوم رديت لحالتـي... !! واللي زاد الطين بعد ما ترد الحالة تجيني
نبضات بالرقبــة كأن فية قلب موجود برقبتــي !!
لكـن وراهـا وراهـا وماراح اخليك يانوبات الهلع يا انا يا هـي ...؟
والله معاي انشأالله ،،،،
|