|
هل توجد علاقة بين الفوبيا ونوبات الهلع؟ارجو الافادة
السلام عليكم ورحمة الله وبركاته
انا عضو جديد هنا معاكو
واحب اعرفكم بنفسى انا اسمى محمود وعندى 20 سنة ومن مصر
وانا بعانى زيكم من نوبات الهلع او فوبيا مش عارف هى ايه الصراحة او تتسمى ايه
انا الموضوع دا حوالى حصلى من 3 سنين وكان جالى فوبيا من ركوب المواصلات وكنت بتعب نفس اعراض نوبات الهلع بالظبط كنت بتخنق وبحس انى هموت وكده بس عدت على خير الحمد لله من غير اى علاج والحياة كانت زى الفل بعد كده
لكن الموضوع رجعلى اشد من يوم 25/6 كنت راكب مركب وتوترت فيها اوووى فجتلى اعراض نوبات الهلع بشدتها لدرجة انى حسيت انى روحى بتطلع استحملت بالعافية
ومن ساعتها وانا حياتى اتحولت ومبقتش عارف امارس اى حاجة فى حياتى طبعا علشان المواصلات بتعب فيها اوووووووى
وطبعا نفسيتى باظت والموضوع دا ذاد لحد ما وصل انى بقيت لما ابعد عن البيت اعراض القلق بتجينى وبتعب او لو اى موقف بسيط حصل يوترنى زى مثلا لو الكهربة قطعت او فى الحر لحد ما قررت ورحت عند دكتور نفسى وقالى اللى عندك نوبات هلع وفهمنى كل حاجة وكتبلى ادوية عايز اخد رايكو فيها وهى مودابكس وتوبمود وفيتامين للاعصاب نيوروتون ودواء مهدىء قالى تاخده قبل الموقف اللى بيوترك بساعة او ساعتين ستللاسيل وانا لسه بادىء العلاج من اسبوع بس لسه ماحسيتش بتحسن اوى بس الحمد لله على كل شىء
وانا قريت الاعضاء هنا كاتبين ادويه اللى هى البروزاك والسبراليكس انهم من احسن الادوية طب هو ماكتبليش ليه ولا دول مش متوفرين فى مصر؟
وياريت حد يقولى رايه فى الادويه ويقولى انا اللى عندى دا فوبيا ولا نوبات هلع؟
وربنا يشفينا جميعا
|