عروب

بيانات اضافيه [ + ]

رقم العضوية : 2951  تاريخ التسجيل :  11 2002  أخر زيارة : 21-12-2002 (10:49 PM)  المشاركات : 13 [ + ]  التقييم :  10

لوني المفضل : Cadetblue

لازم تقرونها؟؟

ممكن أحد يرد علي؟؟ السلااااام عليكم ورحمة الله وبركاته


بصراحه السالفه طويله


طويله بالحيل


أنا أقولكم السلافه بس ابي الرد بأسرع فرصه ممكنه

هذي تجربه خاصه فيني..

ولا ابي كلام منكم جارح أو أنكم توصفوني بالغباء والجهل لأني أنسانه متعلمه وباقي سنتين واتخرج من الجامعه؟؟

:rolleyes:

في الحقيقهتعرفت على أنسان في أحد طلعاتنا للبر..


وهناك مع أختي كنت أتمشى
ونتمشى الى ان وصلنا مرتفع تقول هضبة من الرمل

جلست انا وهي نسولف..

طيب .. وحنا جالسين ونشوف شاب يناظرنا من بعيد ولا كن حنا نشوفه تاركينه ولا على بالنا

بس بصراحه اقولكم انا جذبني سالفة اني ارمي عليه رقمي واجرب اشوف وش يبي بالضبط..

وفعلا صارت السالفه .. ليلتها قفلت الجوال الى ثلااث ايام عشان ما ودي انه يكلم وانا مشغوله بالمذاكره..


المهم اختي تسألني اذا ازعجك وصاااار انسان غير شريف وش بتسوين؟؟
قلت بسيطه اكسر الشريحه والغي الجوال واعطي اخوي الجهاز وكان الله في السر عليم ولا اني اسبب لعمري مشاكل وعوار راااااااس..

قالت اوكي شغلك مظبوط..


والله وفعلا بعد ثلاث ايام يدق الجوال والرقم غريب!!

رديت .
قال هلا
نعم من معي؟

انا فيصل

انتي اللي في البر؟
ارتبكت وخفت
قلت غلطان
وسكرت على طوووووول

دق بعد يوم
قال انا اللي في البر متى ودك اكلم
قلت انا ماني فاضيه هالايام لان عندنا اختبارات
قال طيب متى تفضين.. أكلم بكره بعد المغرب؟؟
قلت لا بعده
قال بالليل بعد اثناعش
قلت لا ما يصلح لاني انام بدري
كلم قبل الثناعش
قال اوكيه توصين بشي؟؟
لا سلامتك




المهم بعد يومين بنفس الموعد يدق؟
السلااام : تصدقين يالله صبرت الى اليوم
رديت طيب وش تبي خلصني ترى ماجدعت الرقم الا عشان اعرف اسلوبكم يالشبااااب واعرف وش غايتكم من ذا كله؟؟

قام وضحك وقال انا غير
قلت وشلون غير؟
قال اصابعك سوا؟
قلت لا
قال خلااااص انا غير
طيب اسمك
فيصل
وانت
قلت المستعار غيره ما فيه
قال اوكيه
قلت
العنود
قال ثقيل
قلت اختر غيره طيب وانا راضيه
قال لا انت اللى اخترتيه مو مشكله
امهم جرت السواليف السواليف

وصارت العلاقه قويه وحميمه
طلب الثابت
وعطيته بعد ما رجااااااااني حيل
والله صرت اطلب اللى ابيه ويجيبه من غير اي اعتراض

بعد كذا قلت اسمك الحقيقي وبدون اي تصريف قال اوكيه
وعطاني اسمه الحقيقي كاااااامل


بعد كذا
سألني متى يتواااجد عمي؟
قلت عمك
وانا وش يدريني بعمك؟؟
قال اقصد ابوك
قلت هاه
ابوي
ليش
قال عشان اتعرف عليه واقعدمعه
قلت وش لك فيه مالك خص بابوي
قال لا انت ما تدرين وش المراد


انا حبيتك وعجبني اسلوبك وطريقتك في الكلام
بصراحه ماشالله عليك لمحتك في البر وعجبني جمالك

قلت هذهي وانجنيت فيك

وابي اقدم واخطبك

بس تصبرين علي؟
لاني قلت للاهل قالو اول توظف وبعدين يحلها الف حلاااال..

تصدقون ماخاطا الرجال
راح وقف دورته

وراح يدور على وظيفه

بعد كذا قال لي انا بصراحه رحت ادور على شغل وملقيت الا العسكريه

بروح هناك بس خمس شهور اتدرب واجيك على طوووول تحتريني الين ما اخلص؟؟
قلت عسكريه ؟؟
والله صعبه احس انك بتتعب واااجد
قال لاجل عين تكرم مداين

والله وهو الحين يتدرب ويكلمني

ويراسلني

وبصراحه هو انساااان في قمة الاخلاق
مايدخن ولا عمره طلع من السعوديه الا ومعه ابوه او خاله
بصراحه عايلته محترمه
وكلنمي عن اهله واجد
بس عيبه ان تعليمه محدود حتى الاشياء العامه ما يعرفها واذاسالته بشي او علمته بشي استغرب

وبصراحه شب محافظ على الصلاة

يعني دينه لكم عليه شوي
بس عاهدت نفسي اني اخليه انسان دين بحكم ما تعلمته في كليتي من اساليب الاصلاح والدعوه





طيب والحين انا متردده

هو منقطع قلبه علي
وانا مجنونه فيه
لاني متفاجئه انه انسان مخلص قصده شريف

ولا تكسرت الشريحه لا الغيتها و الجهاز موجود
بالعكس هو يوصيني اني ما اتصل عليه عشان ما اسبب لنفسي مشاكل او احراجات من الاهل

اسفه طوووووولت عليكم السالفه
بس هذي تجربتي

و ودي نصيحتكم!!!

وش الرااااااااي

اتزوجه والا لا؟


انتم طلبتم التوضيح وانا وضحت لكم كل شي

علاقتنا زادت
وصرنا محتاجين للبعض

وانا متردده
يقولون ان الزواج بهالطريقه زواج غير صحيح وغير متوافق مع الدين والعادات اللي تربينا عليها

وان الحياة اللى بينا راح تكون كلها شك ويأس
وانا خاااايفه بالحيل من هالكلاااام











ابي الجواااااب باسرع فرصه

:confused: :confused: :confused: :confused: :confused:

المصدر: نفساني