نفساني - عرض مشاركة واحدة

23-08-2009, 03:54 AM

السلام عليكم ورحمة وبركاته

مشكلتي مع بنت خالتي الي مسببه لي تعب وقلق ومو بس تعاملها معي حتى مع البنات الي تحس انهم احلى منها

او يكشخون ويلبسون احسن منها مع ان هي مايقصرها شي عننا زوجها موظف احسن وظيفه ولما جابت طفلها الاول

جاب لها زوجها شغاله وهي جالسه بالبيت لا شغله ولا عمله ...ومع ذلك ما تخلينا بحالنا الا تسمعنا كلام وتنغزنا

وعليها كذب خيالي يعني تألف سالفه وانها هي البطله مع ان عمرها 22 سنه ,, لكن مثل الاطفال اذا سمعت وحده

تسولف سالفه غريبه تجيك بعدها بكم يوم تعيد السالفه كأن صايره لها هي والمشكله اكون سامعه السالفه وتعيدها علي

ولا تتفشل من نفسها ,,, ولما جيت ابي اتزوج تسمعني من هالكلام الي يغث تبيني ادخل عش الزوجيه وانا قلقه

وحتى بنت خالي عانت منها وقت ماكانت تجهز وتسمعها كلام ,, انا عارفه ان طبعها غيور بس غيره مرضيه

غيره تسبب لها مشاكل حتى انها مره اتهمت بنت خالتها انها تكلم شباب تبي تخرب سمعتها ...

وعند الناس تمدح نفسها انها طباخه وتشتغل وهي ما تسوي ولا شي ابدا ,,

وانا خايفه انها متكلمه علي من وراي لان هي عادي انها تتكلم بالوحده وتعيب فيها وتحط فيها اي شي مو زين عشان

تطلع قدام خواتها زينه , ..

مع العلم هي معها بس ثنوي مادخلت جامعه ,,وانا دخلت جامعه ,يمكن هذا احد الاسباب

ابي من المستشارين يعلموني وش حالتها بالظبط ؟

كيف نتعامل معها بهالحاله ؟؟

المصدر: نفساني