نفساني - عرض مشاركة واحدة

17-11-2002, 02:57 PM

* في صباح اليوم نهضت والإبتسامه تعلو محيــاي ..كيف لا؟؟؟
ومن سيوصلني الى الجامعه هو والـــدي بدلا من السائق :)

* ركبتُ في المقعد الأمامي بجانب والدي (( وهذا أحس مافي الموضوع :D ))..انطلقت السيارة ..أدار والدي المذيــاع

*mbccccccccccccc FM
_ألحق يا أمجــد عالتخفيضات بتاع العيد
- إيش بتقولي يا هند تخفيضات((( توفير))) فينهــــا؟؟
_في مجمع (___) تخفيضات هائلة والفترة محدودة
-هيا يا أولاد هيا نلحق عالتخفيضات
ترم ترم ترم ترم
mbccccccccccccccFM

* طبعا دغدغ هذا الإعلان شغفي للشراء
لمياء : يبه ورى ماتلف على هالمجمع بلا جامعه بلايحزنون
أبوي : أقووول لمياء هماك صاجتنا بقولتك إقطعوا رجلي إن دخلت السوق في رمضان
لمياء : إي صح ..أصلا كنت أمزح معك ..بعيد وش تخفيضات إلا نصب واحتيال ..أجل بلوزة ب 400 فجأة تصير0 15 ثمن إذا بحلوا بها وما أحد شراها خلوها ب 50ريال أجل تلقى سعر الجملة حقتها ب10 ريال ...بعدين أصلا يعني ....
أبوي : أقوووول لمياء وش رايك تسكتين عشان نسمع الأخبــار

* mbcccccccccccc FM
تررارا دن دن دن دن تررا رارا

السلام عليكم ورحمة الله وبركاته
أسعد الله صباحكم بكل خير ...
_قوات العدو تنكّــل بالخليل بعد عملية ((وادي النصارى الفدائية ))واغتيال ((جهادي)) في جنين (( والأباتشي )) تقصف غزة ...
_مسؤول القاعدة بمنطقة الخليج اُعتقل أخيرا في الكويت وذكرت مصادر أن المعتقل كان ضمن المجموعة الإسلامية التي تقاتل في الشيشان وأفغانستان ..
_البحرين تعين مجلس شورى جديدا من شيعه وسنيين من بينهم يهودي كما يضم ست نساء من بينهم مسيحية

* يبه يبه يبه طف الرادو لأكسره ألحين طفه خلاص الوضع ماعاد يستحمل
* ابوي :لاحول ولاقوة إلا بالله والله الدنيا مدحدره ذا اليهود ما خذين راحتهم يقصفون ويذبحون ويلعبون في فلسطين لعب وما أحد تحرك ...إيه يالله هم السابقون نحن الاحقون ..
*يبه إترك عنك ذولا يهود واضحين الله يلعنهم ..بس اسمع الخبرين اللي بعده
يعني مجاهد مسلم شاهد ماأدري جاهد ضد اليهود والنصارى عشان ينصر دينه تجي الكويت دولة مسلمة وتعتقله ؟؟؟؟:confused: :confused:
لاه ولايفوتك البحرين قاعده تعين يهود ومسيحين في مجلس الشورى غير الحريم يعني :eek: يمه نعنبوا إبليسهم وش قاعدين يسون فينا ذا العرب ...
يعني يبه بأفهم مين اللي صار ألعن من اليهود ..خلاص يبه إنا نهايتنا قربت خلاص بأصيح هئ هئ هئ هذي آخر الدنيا خلاص رجعني البيت ما أبي أروح الجامعه ..خلاص وشلون الواحد يقدر يعيش والمصايب من حوله هئ هئ بعدين وشلون ذا mbcالقليلين الأدب يجيبون دعايه عن تخفيضات العيد ثمن يسردون مأسي يعني عيب والله
صدق من قال
أنّى اتجهت إلى الإسلام في بلد ...تجده كالطير مقصوصا جناحاه

أبوي : أقووووووووووووول لميااء بنتي وش رايك أوديك السوووووووووووووق :3:

المصدر: نفساني