نفساني - عرض مشاركة واحدة

18-11-2002, 10:32 PM

الحلقة الخامسة

البتار : شلون يابو هاشم .. الحين انتو صدق ما عندكم بنت للزواج ..

ابو هاشم : الله يهديك يابتار ،، احنا ماعندنا بنات اصلا عشان يكون عندنا للزواج ..

البتار : طيب وعاليه ؟!!

ابو هاشم : اهاااااا هذي بنت اخي .. عايشه معنا من عبد ما توفى ابوها ..

البتار : ايوه هيه الله يخليك يابو هاشم ..

ابو هاشم : والله الراي راي البنت .. الحين تجي وتقولكم رايها ..

البتار : طيب ان استاذن ..

ابو هاشم : اوووه انا اسف نسيت .. خلاص تابط شرا تعال معي ندخل .. تشوفها وانت يالبتار ارتاح هنا دقايق بس ..

البتار : خير انشالله انا فيذا انتظر ياعيب الشوم عز الله مقامكم ..

( دخل تابط شرا و جت عاليه ومعها عصير برتقال اورانج بطعم البرتقال )

تابط شرا : هلا والله

عاليه : مساء الخير

تابط شرا : مساء .. أي مساء .. هو الحين مساء ولا صباح ..

ابو هاشم : تابط شرا ، هدي اللعب شوي ..

تابط شرا : ايه ، اسف بس اول مره اشوف بنت صدقيه ..

ابو هاشم : تعالي يابنتي .. استريحي ..

تابط شرا : كيف الحال ؟

عاليه : حمدله

تابط شرا : ووووو ش اخباركم ؟

عاليه : حمدله

تابط شرا : كيف الدراسه انشالله تمام ؟

عاليه : حمدله

تابط شرا : اقول عمي ، عاليه ما تعرف غير حمدله .. يعني هي تتكلم عربي ؟

ابو هاشم : ولووو بتتكلم خليجي كمان ، بس بتعرف مستحيه شوي ..

عاليه : احم احم انت تدرس ولا موضف ؟

تابط شرا : لا والله انا ادرس بس واهمه قالت لي بتعطيني فلوس اتزوج .

عاليه : يعني بتصرف علينا ؟

تابط شرا : لا موب لهالدرجة بس يعني تسلفني .. وبعدين اردها ..

عاليه : ايوووووااااه ... هيك لكان ..

البتار ( ينادي ) : يا تابط شرا ،، يالله ياولدي ترى هي بس شوفه وانا جدك ..

ابو هاشم :يالله ياابني .. البتار عم ينده علينا ..

تابط شرا : يالله عن اذنك عالية .. مع السلامه

عاليه : مع السلامه ،،

(مره ثانية في المجلس )

البتار: هاه بشرو .. نقول مبروك

تابط شرا : مدري الحين عمها معها مدري وش يتفقون عليه .. الله يستر

البتار : لا لا .. انشالله بتوافق ..مراح تلقى مثلك ..

ابو هاشم : تابط شرا : انت شو قلت في البنت .. البنت ما عندها مانع .. فانت شو رايك ؟

تابط شرا : حلوه ذي شو رايي... ياعمي انا شرااااي .. هذا العربون .

البتار : اسمه مهر مهر مهر لا تفضحنا ..

ابو هاشم : الف الف مبروك .. ومتى حابين كتب الكتاب ..

تابط شرا : والله ياااليت اليوم .. تعرف المثل يقول .. خير البر احسن من اللي يتأخرون ..

ابو هاشم : شو البتار .. ما تتكلم ..

البتار : مدري وش اقول .. صراحه دموع الفرح .. اهئ اهئ ،،،، لكن ودي اقول شي يعني مدري كيف ودي اتكلم لكني احس ان فيه مدري يعني ..

ابو هاشم : ولو بتار .. احكي .. عاليه بنتك وتابط ولدك .. ولو ان اسمه مو عاجبني

البتار :لا لا هم الله يوفقهم .. لكن الحقيقة الموضوع يخصني انا ..

ابو هاشم : شو خير .. احكي

البتار : ودي اذوق البرتقال اللي جوه .. يقول تابط انه حلو ..

ابو هاشم : ولو تؤبر عظامي انت .. شلون نسيتك انا ؟؟! هلا اروح اجيب لك .. لحظه بس

البتار : لا لا ما فهمتني .. انا اقصد يعني ودي اخطب ام عالية ..

ابو هاشم : شو بتار ؟!! صراحه فاجئتني .

البتار : حتى انا حاس اني فاجئت نفسي .. بس ما يخالف وش قلت .

ابو هاشم : احنا بنتشرف لكن ، خليني اشاورها ..

( بعد خمس دقايق )

ابو هاشم : الف الف مبروك بتار ،، ام عاليه موافقه .

البتار : الله يبارك فيك ،، اذن نسوي الملكه الحين ومثل ما قال تابط ، خير البر عاجله ..

ابو هاشم : والزواج ،، متى بدكن يكون ..

البتار : الزواج يحددونه النسوان يتفقون مع بعض واحنا ما عندنا مانع ..

(( اتفقو الواهمه مع ام احمد على شهرين قبل الزواج والزواج في البيت والمهر 10 الاف ))

( في البيت )

لمياء : احلىىىىى ياجدي الحين انت بتتزوج .

البتار : ايه انشالله ..

القريشية : طيب ما قلت لنا ولا شي ..

صوت الشباب : وشو له يقولنا .. هو فلوسه في جيبه .. وعشانه اقوى واحد فينا محد يقدر يكلمه .. لا ويوم ذاق عصير البرتقال ضاعت علومه ..

البتار : هههههه وش فيك يا ولدي حاقد عليه .

صوت الشباب : ماني حاقد عليك ،، حاقد على نفسي ليه ما تزوجت .. الحين ذا البزر تابط تزوج وانا باقي ..

تابط شرا : اقول صوت .. وش اللي برتقال وما برتقال .. اقول تراهم محارمنا خلاص لعاد تتكلم ..

صوت الشباب : اصلا انا عارف من يوم قلت لمثايل تدور لي خطيبه وانا غاسل يدي .

مثايل : افا عليك بس .. انت اللي شروطك مدري ليه معقده ..

لمياء : قايلك عايشة جارتنا تصلح لك ..

صوت الشباب : لمياء وش رايك ترتاحين ..

قيس : على فكره يمه .. ترى انا امس شفت ساره ..

ام احمد : ماشالله عليك امداك بسرعه .. وكيف وش رايك ..

قيس : يعني ماعليها .. توكلي على الله واخطبيها ..

صوت الشباب : الله يالدنيا .. الحين يعني ما عليها .. امس بغيت تصيح يوم
شفتها .. وازعجتنا بقصايد قيس وعنترة ..

همس الغمام : اقول يمه .. وش رايك نخلي زواج قيس و البتار وتابط شرا .. في ليله وحده ..

ام احمد : الحين خلونا نشوف البنت .. ونشوف رايها بعدين نتفق ..

( في بيت عمهم )

ام مروان ( ام صفو الحياة وساره ) : الله يحييكم .. ما بغينا نشوفكم يا ام احمد الله يهيدك ..

ام احمد : الله يعين على ذا البزارين واشغالهم ..

ام مروان : أي بزارين الله يحفظهم كل واحد اكبر من الثاني .. وهذا انتي بعد تقولين زوجتي تابط ماشالله عساه الف مبروك ..

ام احمد : الله يبارك فيك ،، واحنا اليوم والله جايين نبي نزوج قيس .. من بنتكم ساره .

ام مروان : الف الصلاة عليك يااحبيب الله محمد .. هذي الساعه المباركة
ياوخيتي .. ساره يابنيتي .. ساره

ساره : سم يمه ( سم بفتح السين دائما )

ام مروان : عمتك ام احمد جايه تخطبك لولدها قيس وش رايك ..

ساره : اللي تشوفينه يمه

ام احمد : الله يحفظك يا بنتي .. تعالي تعالي
هالحين تاخذين هالعصير وتروحين المقلط .. بتلقينه جالس هو ابوك .. يالله يابنتي

ساره : الحين الحين

ام مروان : ايه الحين يالله يابنيتي

( في المقلط الجو مكهرب .. قيس قال لاخته اساهير تكوي الشماغ ولا كوته والحين الولد مرتبك )

ساره : السلام عليكم

البتار : عليكم السلام ورحمة الله وبركاته ، هلا ساره تعالي اجلسي هنا .

قيس : كيف الحال ساره

ساره : الحمدلله كيف حالك انت ؟

قيس : لا جاي انا وجدي واعيال كلهم بس انهم في المجلس ..

البتار : وش اللي عيال أي عيال تقول كيف حالك انت ..

قيس :اييه الحمدلله والله احسبها تقوول ،، جاي لحالك انت ؟

البتار ( طبعا يسأل ساره عن الدراسه والصحه وقيس يقزززز )
( ومره يسأل قيس وهي تقززززز )
( المهم في الاخير اتفقو )

اتفقو على ان يكون زواجهم مع زواج اخوه وجده في يوم واحد. اللي هو يوم الخميس بعد شهرين ،، ويكون المهر 10 الاف والحفلة في استراحة .

(( وفي هذه الاجواء الرائعة لتابط شرا ، وقيس ، والبتار لازال المسكين المهضوم حقه بين اخوانه صوت الشباب متفردا في الصدارة بعدد الزيارات لاسواق الاندلس والعقارية والفيصلية ))

( في البيت )

البتار : يا ولدي يا صوت الشباب ،، اللي ينوي فعلا على الزواج ، يعينه الله من فوق سبع سموات .. لانه نوى يعف نفسه

صوت الشباب : جدي المشكلة صدقني ميب فينا احنا الشباب كل شاب يتمنى يتزوج .. وكل بنت بعد

الخيالة : اجل وين المشكلة وانا اختك .

صوت الشباب : المشكلة فيكم انتو .. في ام البنت وفي البنت نفسها .. لانهم كلفوا على الشباب تكاليف مالها سنع ..

لمياء : انتو اللي ما تبون تتعبون .. ولا اللي جمعو فلوس ودفعو مهور مو احسن منكم

صوت الشباب : اللي يجيها خطيب عنده ومقتدر .. محد يلومها لو تطلب أي شي ..لكن المشكله اللي تعرف ان زوجها بيروح يقسط ولا بيروح يتدين عشان يجمع حق القصر ومع هذا مصره على طلباتها ..

قيس : بس ولو مافيه شي .. يبرر للشباب والبنات الغزل وقلة الادب اللي صايره في الاسواق وغيرها

صوت الشباب : اكيد ما تببر لهم .. بس انا اشوف ان اهم سبب يخليهم يضعفون قدام هالاشياء انهم مو قادرين يتزوجون ..

تابط شرا : فعلا ياجماعه تخيلو الحين صدق الحلال صار صعب .. عشان يقولون ايش لازم يحس الشاب بقيمة بنتنا ..

البتار : لا قيمة البنت ما تحفظها المادة ابدا ..

صوت الشباب : قلهم من يسمع ؟! على العموم يسرنا دعوة الاخوة المشاهدين الى حفلة زفاف قيس وتابط شرا والبتار .. في استراحة ليالي نفساني .. في اول يوم من ايام الاختبارات .. لتناول وجبة الغداء الساعة 12 ظهرا .. (( عزيمة ناس ماودهم احد يحضر ))

ملاحظة : يمنع منعا باتا دخول أي عايلة لا تصطحب الاطفال ..

وابقو معنا لحضور حفل زفاف الثلاثي الرهيبين .. في الحلقة القادمة

واعدكم هذه المره بدون اعلانات ..