|
مش عارفة انا تعبت اوى بجد
السلام عليكمم ورحمة الله وبركاته
انا بنت عندى 20 سنة من مصر من حوالى اربع سنين مكنتش قريبة من ربنا وجيت قربت اوى وحسيت انى فرحانة جدا ولبست حجاب يرضى الله وفجاة جاتلى فكرة انى مش مؤمنة بالله وانى ملحدة ومن ساعتها حياتى اتحولت لجحيم وكانى اول مرة اسمع القرآن الكريم مش قادرة احس باى عبادة ومش عارفة ادعى ربنا حسة انى كافرة ومش عارفة مالى وطول الوقت بعيط وروحت لدكاترة كتير وعطونى ادوية اكتئاب ومجبتش معايا نتيجة بالعكس خلتنى عصبية اكتر وانا مش عارفة هو انا كدة مسلمة ولا اية وينفع اتجوز مسلم ولالا ازاى اضيع فكرة استغفر الله العظيم ان مفيش ربنا من دماغى انا تعبت من كتر التفكير والمقاومة بشوف كل اصحابى مؤمنين وفرحانين بايمانهم الا انا دايما بعيط ويا ترى دة غضب من ربنا عليا ولا اية انا محتاجة لربنا اوى ونفسى احس بمعيته ليا زى زمان ونفسى احس برضاه سبحانه وتعالى عليا نفسى حد يرد عليا ويقولى ربنا بيحاسبنى على الافكار دى وكمان انا بقيت اعمل معاصى عمرى ما كنت بعملها فى حياتى وبقيت اهرب باى حاجة عشان مفكرش فى الوسواس واوقات بحس انى فى حلم مش فى حقيقة انا تعبانة اوى يا جماعة ويريت حد يرد عليا يريحنى ربنا يجازيه خير انا اسفة طولت عليكم
السلام عليكم ورحمة الله وبركاته
|