فلور

بيانات اضافيه [ + ]

رقم العضوية : 28647  تاريخ التسجيل :  08 2009  أخر زيارة : 05-10-2009 (02:18 AM)  المشاركات : 2 [ + ]  التقييم :  10

لوني المفضل : Cadetblue

زوجي عصبي لايطاق

السلام عيكم ورحمة الله وبركاته
اشكركم جميعا على هذا المنتدى الرائع
انا متزوجه من سنتين ونصف عندي طفل- جامعيه وموظفه طباعي هادئه للاسف احيانا اكون بارده كنت مخطوبه لزوجي مايقارب 5 سنوات وبحكم العادات ماعندنا نظره شرعيه ولا بعد الملكه حتى:
زوجي تربطني به صلة قرابه مثقف ولكنه عصبي جدا واحيانا يكون همجي يتنرفز بسرعه ممكن في لحظه يتهاوش معي او مع اهله او حتى مع الهندي الي في الشارع او مع عيال الجيران الصغار والسبب نرفزته السريعه تعبت جدا جدا جدا منه هو يحبني كثيرا ولكن هذا الطبع يخرب كل شي بيننا
مرت علي ايام تجرأ فيها وكان يتلفظ علي بألفاظ نابيه تطورت الحاله الى شد الشعر ومن هالقبيل رحت لاهلي وتاب مايعيد هالحركات وفعلا تقريبا ماعادها
ولكن انا بصراحه اكتشفت اني مااعرف اتعامل معه وهو مايعرف يتعامل معي احس حياتي ممكن انها تنتهي في أي لحظه والسبب انه ماعرفنا كيف نتفاهم مع بعض ,, وكثيرا مايزعل على اشيااااااء تااااااااااااااااااااااااااااااااااااااااااااااااا ااافهه وممكن يطول الزعل ويوصل بلأيام اقنعته لازم نروح استشاري اسري عشان نفهم بعض ونقدر نعيش مع بعض وافق ولكن هذه الفكره مؤجله الى اجل غير مسمى
وبوضح ان هالعصبيه الي فيه تقريبا وارثها من ابوه

انا ماقولكم اني كامله ولكني افضل منه ومثل مايقول هو مستحيل تعترفين بخطأك شي مايعجبه فيني يقول هذا خطأ لازم تعترفين فيه مثل ماأعترف بأخطائي ,,,وبقولكم هو مستوعب انه عصبي ووده يغير هالعاده بس مايدري كيف وانا بعد عجزت اغيرها فيه رغم اني حاولت
وفيه صفه فيني للاسف اتمنى اني اغيرها الي هي اني انسانه مااعرف ازعل ولو زعلت مااطول بسرعه ارضى معه ومع غيره ولكن احيانا يكون حصل موقف يستوجب مني اني ازعل او احسسه بزعلي عشان مايكرر هالموقف بس للاسف مااعرف- ارضى من يراضيني -ياليت تساعدوني اني اكون قويه شوي برضوه فيه حاجه مو عاجبتني فيني الي هي المقارنه بيننا وبين الناس الي احسن منا خصوصا قريباته او قريباتي اشوف ازواجهم غير ذوقهم عالي مايعرفون يهاوشون ولا يعصبون - مايسوون مشاكل عشان شي تافه- ومبسوطين اكثر مني فكل ماصارت مشكله اقعد اقارن واحس اني بموت من القهر على هالزوج اللي ماعرف قيمتي او اقنع نفسي بأني لو اني متزوجه واحد غيره ماكانت هذي عيشتا

واتمنى انكم تساعدوني في اشياء نفسيه بداخلي مثل نقص ثقتي بنفسي احيانا ابي تكون شخصيتي قدامه قويه يكون لي هيبه واحترام ا احيانا اكون متردده وكل هالاشياء بسببه هو

ادري يمكن هالشي صعب ولكن ساعدوني

آسفه على الاطاله مارتبت موضوعي ولكن اكتب وانا مستعجله ياليت تفيدني يادكتور والاعضاء الفاضلين الموجودين
وياليت تعطوني اسماء دكاتره او استشاريين اسريين ,, كتب مفيده ,, اشرطه

المصدر: نفساني