نفساني - عرض مشاركة واحدة

03-10-2009, 10:07 PM

عطر التفاؤل حبيبتي ..

أنا عايزاكي تهدي كده وتفكري معايا شويه .. ممكن ..

إنتي دلوقتي بتعاني من إكتئاب بسبب مشكله معينه ..

يعني الحمدالله كتييييييييييير لأن الأحساس بالأكتئاب ده بإذن الله راح ينتهي بمجرد إنتهاء المشكله دي ..

إذاً .. إحنا دلوقتي لازم نتخلص من المشكله دي .. بمواجهتها وحلها .. عشان نتخلص من الأكتئاب .. صح .. ؟؟

أنا عايزاكي تفكري كويس وتقوليلي ..

إنتي نفسك في إيه بالظبط يحصل .. في أزمتك دي إللي بتمري بيها دلوقتي .. ؟؟

وعايزاها تحصل إمتى .. ؟؟

طب فكري كمان معايا وقوليلي ..

إنتي ممكن تعملي إيه .. وإيه إللي تقدري عليه .. عشان تحققي إللي إنتي عايزاه يحصل .. ؟؟

وخلينا نتخيل مع بعض ..

لو إتحقق إللي إنتي عايزاه .. ح تتغير حياتك وح تبقى إزاي .. ؟؟

ولو التغير ده ح يكون إيجابي ..

إذاً .. خلينا نفكر جدياً .. ومن دلوقتي .. نبدأ إزاي .. عشان تقدري توصلي للتغير ده ..

.
.

هااااا .. ياترى بعد ماقرأتي كل إللي كتبته ده .. ناويه تفكري معايا جدياً .. ولا لأ ..

إذا حسيتي إن الكلام إللي ح تكتبيه رداً على الأسئله إللي كتبتها ..

راح تضطرك إنك تكتبي حاجات خاصه إنتي مش عايزه تقوليها ..

أتمنى من قلبي إنك تفكري في أجوبة الأسئله دي بجد مع نفسك ..

و ح أستنى أخبار منك .. تقوليلي فيها إنتي وصلتي لأيه في حل مشكلتك .. أوكي ..

وخليكي واثقه كتييير إن الله ح يفرج همك .. و ح يسعى معاكي طول ماأنتي بتسعي لكل خير ..

تحيااااتي .. :) ..