|
تغير مقرف في المزاج وضيقة صدر مفاجئة !!!
السلام عليكم أعضاء المنتدى الكرام من بنين وبنات .
انا دخلت خصيصاً لهذا المنتدى الفرعي بس علشان افضفض ويفضل يكون في حوار مع اني مادري هل احد تكلم عن هاذا الشي سابقاً ام لا في منتدى الفضفضة .
ماأقول إلا إن لله وإن إليه راجعون وأعوذ بالله من نفسي وحسبي الله ونعم الوكيل . واحياناً استغفر الله اقول كل هذه العبارات بغضب من الشي اللي احس فيه أحياناً (هههههه ) والله اضحك لأنه شي غريب وهو مو اول مرة يحدث معي كثير يحدث بس اليوم ماادري ليش ناوي اكتب عليه يمكن علشان اغير جوي الداخلي وافضفض على قولتهم في المنتدى . خلوني أقولكم قبل ساعة ونصف تقريباً كنت اتصفح الإنترنت وبالعربي تحديداً احد الشاتات (والله من زين التصفح ) بعدين قلت في قلبي انا خلاص طولت لاني جلست كثير على الشات ذي وكله كلام في كلام . طلعت من النت ورحت وطلعت في الحوش شوي وسبحان الله وتجيني ضييييييييييييييقة صدر عجيبة وتغير في المزاج وزهقت من نفسي وحاولت اهديها وقلت هذا شي طبيعي يمكن علشان الشمس لاني انا احياناً يضيق صدري اذا شفت الشمس بعدين رحت المجس وقعدت اشوف التلفزيون المهم حاولت كم محاولة اثناء مشاهدة أحد القنوات اني اقول في قلبي اني مسستانس اني مرتاح اني واني علشان تروح ضيقة الصدر الفجائية ذي عني بس ولو بقت إلى هذه الحالة وجتني بعض المشاعر الغضب تجاه نفسي ، مثل ليش تجيني ؟ انا وش سويت ؟ قلت في نفسي يمكن الضيقة اللي جتني علشان يمكن تذكرت حادثة الإعتداء اللي صارت علي وأنا صغير لأني احياناً لما أتذكرها يضيق صدري أأأأأأوو يمكن علشان فكرت اني تأخرت في النوم واني مواصل أو والله ماأدري بعدين قلت في نفسي يمكن علشان تأخرت في تناول علاجي الدوائي فلوكسامين وقعدت أوسوس مع إني على حسب التوصيف اللي وصفه الدكتور عندي اكتئاب ثنائي القطبين وحسبي الله ونعم الوكيل . احياناً هاذي التقلبات كانت تجيني أيام الجامعة ايام كنت ادرس مااأكمل المذاكرة ولو عندي بكرا اختبار . احياناً تجيني التقلبات هذه وانا طالع مثلاً أبغى امشي أمي واخليها تشم هواء أحياناً تجيني هذه التقلبات وأنا يمكن أبغى اطلع اسوي رياضة وبعدين أقول خلاص انا ضايق صدري ليش اسوي رياضة . تصدقوني إني اكتب الحين هذا الكلام يمكن مع إحساس بضيقة شديدة لدرجة الدوخة . سبحان الله . احساسي غريب الحين احس ان راسي مصدع بس مصدع بسبب الصداع لا مصدع بسبب ضيقة الصدر وتقلب المزاج عندي . احس بدوخة لنفس السبب . علماً اني مازلت مداوم على الفلوكسامين من فترة تقريباً خمس شهور . اول شي كانت 100 بعدين 150 . اللي عنده تجارب مماثلة وطرق جربها وفادت في عملية تعديل المزاج او على الأقل التقليل من حدة التغير بعد تغيرها يذكرها لو سمحتوا واللي يعرف بعض الكتب السهلة واللي تتكلم عن هذا الشي واسبابها يتكلم وياليت من المختصين واصحاب الخبرة يتكلمون كذالك عن الأسباب او يدلوننا على طرق او كتب مفيدة في هذا الباب بحيث اللي يقراها بإذن الله يعرف الأسباب ومع معرفة الأسباب يبطل العجاب (ماشالله حتى المثل غيرته انا ) . معليش شكلي طولت عليكم بكثرة كلامي والسلام عليكم .
|