نفساني - عرض مشاركة واحدة

14-10-2009, 08:39 AM

أعاني الصمت ..

لا تخافي أبداً .. حالتك بإذن الله سهل شفائها ..

وراح يجي اليوم إللي تقولي فيه .. يااااااااه كانت أيام وراحت في حالها .. :) ..

بس أول حاجه أنا عايزاكي تركزي فيها .. هو التخلص من التفكير السلبي ..

لأن التخلص من الأفكار السلبية .. ح تكون خطوه كبيرة وإيجابية جداً ..

وح تكون أول الطريق إن شاء الله للتخلص من معاناتك ..

يمكن الحاجه دي تاخد منك فتره لحد ماتتعودي عليها .. بس مش مهم .. المهم إنك تبدأي بإللي ح أطلبه منك ..

جربي الحاجه دي معايا ..

إرفعي رأسك وكتفك .. وخدي نفس عميق .. وأبتسمي بشكل بسيط ( إفردي ملامح الوجه ) ..

ياترى كيف حسيتي نفسك .. ؟؟

وإذا طلبت منك تعملي العكس ..

ياترى حسيتي بفرق في إحساسك .. بمجرد إنك غيرتي وضعية جزء من جسدك .. ولا لأ .. ؟؟

غالباً ح يكون في فرق .. والأحساس في التجربه الأولى أفضل بكثير من الثانيه .. صح ..؟؟

عشان كده أطلب منك من دلوقتي .. إنك تحاولي ديماً الأحتفاظ بهيأتك مستقيمه برأس مرفوعه وملامح منبسطه ..

حتى إذا كنتي حاسه بإحباط .. ومشاعرك سلبية وقتها ..

لأنها راح تساعد كتير بتخفيف المشاعر السلبيه دي ..

.
.

وبهذه الوضعية الجديدة إللي إتعلمناها .. أول ماتجينا أفكار سلبية .. نعمل إيه ؟؟

أنا ح أقولك ..

لو لقيتي نفسك تقولي .. مثلاً .. أنا حاسه بإكتئاب أو إحباط ..

عايزاكي وقتها على طول .. تغيري مسار الكلام بطريقة إيجابية .. وتقولي :

أنا راح أتخلص منك ياإكتئاب ..

ولو في مرة حصل موقف من أحد .. من عائلتك أو غيره .. وضايقك وخلاكي تحسي بالعصبية ..

قبل ماتعصبي حاولي تفكري .. ليش حصل معايا كده .. أو ليه قالولي كده ..

وبعدين عصبي لوحسيتي إن الموضوع عايزله عصبيه ..

بس خلي بالك .. العصبيه ممكن تكون علامة ضعف .. عشان كده حاولي تتكلمي بهدوء وقتها .. أوكي ..

يارب تكون فهمتيني وتكون فكرتي واضحه .. :) ..

.
.

لي تعقيب على هذه العبارة : " اصبحت احس بانعدام قيمتي " ..

إنتي تقدري تصنعي قيمتك بنفسك .. وسهل كتير إنك تصنعيها ..

إذا كنتي بتشيلي ورقه مرميه على الأرض .. ورميتيها في سلة المهملات .. إنتي كده صار ليكي قيمة ..

لو رتبتي غرفتك بنفسك وأهتميتي بمظهرها .. إنتي كده صار ليكي قيمة ..

لو درستي بإجتهاد ونجحتي .. إنتي كده صار ليكي قيمة ..

لو أختك إحتاجت مساعده في أي شي .. وإنتي ساعدتيها .. إنتي كده صار ليكي قيمة ..

لو عملتي طبق السلطه بيدك ووضعتيها على سفرة الأكل والجميع أكل منها .. إنتي كده صار ليكي قيمة ..

شايفه ماأسهل الموضوع .. :) ..

.
.

تمنياتي لك بالسعادة الدائمة عزيزتي ..
.. :) ..