نفساني - عرض مشاركة واحدة

12-12-2009, 10:16 AM

السلام عليكم ورحمة الله وبركاته
ابكتب لكم عن حياتي التعيسه والكئيبه بس بتمنى القى عندكم ولو شيء بسيط يريح قلبي...
بدائت حياتي كأي شخص أخر عشت طفوله كانت طفولتي لعب وضحك لكن كنت بعض الأحيان اشاهد ضرب في منزلنا كان عمري تقريباً 4أو5 سنوات كنت ادا شفت الضرب أروح في ركن أي غرفه وأبكي كنت أمسك طرف فستاني بفمي وأبكي
دخلت الابتدائي قبل السن المسموح بدخوله يعني دخلت بدري كنت عاديه جداً عندي صحباتي أضحك معاهم لكن لمن دخلت المتوسط يعني كان عمري 12 سارت مشاكل بمنزلنا كنت ابكي كل يوم ارجع من المدرسه ابغى احل الواجبات أفتح الدفتر أمسك القلم ترجف يدي وأجلس أبكي تتغرق صفحات الدفتر بالدموع حتى البنات ابتعدت شوي عنهم حتى صحباتي اللي بالابتدائي تركتهم .
دخلت المرحله الثانويه أختفت المشاكل من حياتنا وكانت حياتنا طبيعيه جداً لكن أنا ما كنت طبيعيه كنت أجلس لوحدي لاصحبات ولاشله زي أي بنت بالمدرسه..
كنت أجلس لوحدي بالفصل حتى أفتكر وحده من البنات قالت لي ليه أنتي انطوائيه؟ حسيت بوقتها ودي أبكي ابغى انفجر من البكاء حبست دموعي وحسيت بشيء يخنقني
بعدها بكم يوم كنا انا وبنات الفصل جالسين بفناء المدرسه
جلست مع بنت.. شوي قامو البنات كل بنت راحت مع صحبتها وجلست انا لوحدي جلست بنت تقول لصحبتها شوفي البنات تركوها وقامو وجلسو يضحكو عليا جلست عيوني تدمع وسألت نفسي لييه أنا لوحدي ليه ما أكون زي البنات..............!
خلصت المرحله الثانويه ودخلت الجامعه’وياليتني مادخلتها
أول يوم بالجامعه شفت منظر مخيف بنات كثير بالجامعه اكره التجمع والناس حضرت أول محاضره وأنا أرجف أحس أطرافي بارده وجسمي فيه حراره.
لكن للأسف ماقدرت أكمل الجامعه ماحضرت المحاضرات وأخدت حرمان كتمت هذا الشيء عن أهلي وما أقدر أواجههم
أخاف يضربوني
قلت بنفسي تشجعي وقولي لهم واجهي الحياه .. رحت بكل شجاعه وقلت لهم ما أبغى الجامعه (كنت بوقتها أرجف وأحس اني ابدووخ احس اني مو واعيه أحس اني ما أحس)
قالو لي لا هذا مستقبلك لازم تكملي وخاصموني
وانا لوقتكم دا مشاكل معاهم ابغى اقولهم عن اللي بقلبي لكن ما أقدر
أبغى أقولهم عن إحساسي وشعوري ابغى اقولهم اني اكره البنات أحب الوحده حتى ادا تجمعنا عند عائلتنا أحس غير مرغوب فيني احس اني جسد بلا روح احس اني ولاشيء.وادا كلموني أو سألوني سؤال احس بحراره واطرافي تبرد احس بدوخه بسيطه احس اني اتخربط بالكلام وما اقدر اتكلم كثير احس نبضات قلبي سريعه..
أوقات أفكر اني انتحر لكن أقول حرام بدخل النار
احس عندي انفصام بالشخصيه لاني ما اقدر اتخذ قرارات كل يوم عندي رأي.
نفسي أتخلص من حياتي لان حياتي كلها آهات والآم وأوجاع وهموم
كل يوم أعيش صراع نفسي
حتى أوقات احس ان أهلي يكرهوني مايبغوني
احس اني ثقيله عليهم
أحب أجلس بالظلام وابكي
أحس اني مو انسانه اشوف البنات عندهم صحبات الا أنا ماعندي ولا صاحبه
أوقات لمن يتجمعو اهلنا وانا امشي احس الناس كلها تطالع فيني وتنتقدني احسهم يضحكو عليا أخاف ادا اي شخص يطالع فيني.

والله تعبت من حالي ودي أتعالج ابغى اكون انسانه طبيعيه
بس لو حاولت اكون طبيعيه احس بكئابه في قلبي اشتاق للهم والحزن اشتاق للوحده والانطواء.
الضحكه انحرمت منها بدنيتي.

المصدر: نفساني