قلب لبوه

بيانات اضافيه [ + ]

رقم العضوية : 29241  تاريخ التسجيل :  12 2009  أخر زيارة : 22-04-2010 (04:56 PM)  المشاركات : 17 [ + ]  التقييم :  10

لوني المفضل : Cadetblue

السلام عليكم

اناحكايتي بدات قبل سنتين تقريبا او اكتر شويه حبيت واحد يشتغل في السوبر ماركت القريب مننا حاولت اجذب انتباهه اني كل ما انزل السوبر ماركت ما اشيل عيني من عليه الين ما حس اني معجبه اعطاني رقمه كلمته وبداء معايا رومنسي وطيب وانه العاشق الولهان بس طلع كذاب اتعلقت فيه لدرجة الجنون صار هو يتهرب مني انزل السوبر ناركت اشوفه يدخل جوه المهم هو كان قلي عن صاحبه انه بدو وحده يتعرف عليها انا اتصلت على صاحبه وطلبت منه انه يساله ليش بيتهرب مني اتاريه شفله شوفه تانيه ايامها تعبت كتير من بعده عني وجاني انهيار غصبي كان صاحبه دايما معايا ينصحني اني ابعد عنه لانه ما قدر مشاعري وخانني بدات اتكلم معاه كل يوم احكيله مشاكلي وهو يعطيني حلول لها بدات احبه في يوم وهو بيكلمني قاطعت كلامه وقلتله احبك هو كانت ردة فعله انه سكت ما رد وطلب مني انهي المكالمه انا حسيت اني غلطت لما اعترفتله بحبي له بعد يومين ارسلي رساله مضمونها انه هو خاطب وحده من 8سنين اذا ارضى اني اكون معاه الين ما انا اتزوج لانه هو ما راح يتزوج بدري شويه
رضيت وبدات علاقتنا تتطور يوم بعد يوم ونتقابل ونروح ونجي مع بعض بس ما اخد مني شي حتى اتذكر مره عرضت عليه انه 00000رفض وقال انه هو مو مستعد يدخل النار بسبب موضوع زي كده بس انا ما طلبته منه عشان تسليه انا بجد حبيته وفي يوم حصل خلاف بيننا وزعل مني وما رضي يرد عليه قمت انا بكل بلاهه رحت اتصلت على اخوه وطلبت انه يصالحني معاه اخوه لعب لعبتو معايا صار ما بدو يصالحني بدو يخرب بزياااده عشان اصير له هو صار يقول لاخوه انه هو بيطلع معايا وبيجي ينام عندي يوقف سيارته عندبيتي وقةله انا بايت معاها وفي وانا والله مظلومه انا كل هني انه يسامحني وفي يوم قالي انه حيجيبه عندي ويصالحني معاه بس انا كنت مع اهلي بنتمشى واخدنا فندق طلب مني ارسله اسم الفندق ومكانه برساله عشان يجيبه ويجي عندي وانا سويت زي ما قلي بعدها ارسلي رساله هو قالي فيها اني انا خاينه وما استحق حبه ليه ومر شهر وانا بحاول اوضحله انه اخوه كذاب وهو مو راضي يصدق بعد ما بئست حاولت الانتحار لما عرف اني انتحرت اتجنن عليه وصار يكلمني ويقولي انه هو يحبني بس انا خنته المهم سوينا خطه انا وهو عشان نكشف اخوه والحمد له قدرت اثبت انه اتبلى عليه
ومشيت الامو سنتين على هذا الحال وهو كتير يساعدني بمشاكلي
بس من قبل اسبوعين ما ادري ايش قلب حاله صار ما بدو يكلمني واذاكلمني يكلمني بدون نفس ولما اساله السبب يقولي انا كده عاجبك ولا لا اقوله انت ما بدك ياني يقولي انا ما قلت ما بدي ياكي اقوله تحبني يقولي مالك شغل بمشاعري انا حر فيها وان بصراحه تعبت معاه نفسي ابطل احبه
هذي مشكلتي
اعطيكي معلومات عن نفسي
انا ارمله عمري بس لسه بنت كان بس عقد نكاح ما دخل كان عمري وقتها 22سنه الحين عمري 30 سنه دارسه الثانويه مشكلتي الكبيره وزني 120 كيلو
اذا عندك اي استفسار رديلي

المصدر: نفساني