نفساني - عرض مشاركة واحدة

24-11-2002, 08:36 PM

اخوي تابط شرا
الحين عندك المستبدة بتشرح لك عن القصيمية .. ولمياء عن الرياض .. وانا عن الجنوب

بس قبل ابدا في الجنوب احب اعطيك بعض كلمات الرياض اللي اعرفها

لهجة رياضية :
الكاف ينطق (تس) ماعدا في كاف المخاطب للمذكر . مثال : (الكبد=التسبد)
القاف تنطق زاي خاصة في كلمة قد ( تنطق زد )
تبي = تريد
انا = نحن
فيذا = هنا
فيذاك = هناك
وشوله = لماذا ؟
بصره = بكيفه .. او مثل ما يريد
قلم ( بتفخيم اللام) = قلم
بقلعة وادرين = يعني باللي ما يحفظه
بعدي = تقال للشخص المحبوب يعني تموت بعدي
ما = ماء
قدها وزت = عدت مثل اذا قلت لك كلمة وانت قلت عدها اقول انا قدها وزت .

لمياء عدلي اذا فيه شي غلط

اللهجة الجنوبية :
في الجنوب كلما اتجهت الى الجنوب اكثر اقتربت من لهجة اليمن .. وبالطبع نفس الجنوب تختلف اللكنة فيها ( اللكنة = نبرة الصوت و مخارج الحروف ) ولكن بشكل عام اللهجة الجنوبية متقاربه

ال ( التعريف ) تنطق ام ( بكسر الالف ) ايضا في بعض الاجزاء من الجنوب وليس كلها
الجيم = ياء (مثل الامارات .. طبعا في بعض الاجزاء وليس كلها اي في الحجاز وفي بعض اجزاء تهامة)
هب لي : اعطني
يضيمني : يؤلمني

طبعا لو اقعد اكلمكم الين بكره ما يكفي .. لكن اللي عنده اي سؤال لا يستحي

المستبدة ترى ما بتعلموني سعودي جنوبي يعني مو من حقك تقولين مو سعودي :) والريال بدل الرجال برضه سعودي عندنا في الجنوب

لكن وش رايكم بما اننا مختلفين في لهجاتنا .. نعطيه اللهجة العامة اللي كل السعوديين تقريبا يتكلمون بها .. ونترك اللهجات الخاصة والحروف الخاصة والكلمات الخاصة بعدين
الحين نعطيه اللهجة العامه السعودية
اتفقنا ؟