صمت الشموس

بيانات اضافيه [ + ]

رقم العضوية : 28803  تاريخ التسجيل :  09 2009  أخر زيارة : 15-03-2011 (09:58 AM)  المشاركات : 23 [ + ]  التقييم :  10

لوني المفضل : Cadetblue

هلا جهراوي
تخيل لي اكثر من عشر سنوات اعاني من هالاعراض وهي شديده على فكره ماخليت دكتور بالجهاز الهضمي ماجيته وماخليت علاج او طب شعبي ماسويته وبلعته احسب مشكلتي عضويه وبالصدفه عرفت عن طبيبه نفسيه عالجت وحده اعرفها من القولون ومشاكله ويوم جيتها قبل سنتين قالتلي ان اللي عندي هي نوبات هلع وهي اللي مسويه عندي هذي اللخبطه بصراحه ماتوقعت مشكلتي نفسيه وعرفت منها ان هالشي بسبب خوف اصابني من الطفوله وكلامه صحيح والله ياخوي ان الاطباء عجزو معي لدرجة صارو يعطوني ابر مهدئة وقت معاناتي الله لايعيدها وهم مو عارفين وش عندي بس الحين احسن بكثيييييييير لله الحمد
الاعراض اللي تجيني شي صعب بصراحه زي اللي فيك بس انا التنميل في يديني ووجهي بعد تتخيل هذا ؟
وخزبالراس وبالجسم كله لدرجة اقول الحين تجيني جلطه !!
جفاف بالفم وصعوبة بالتنفس وكتمه مع الم بالمعده وبروده بالأطراف وحلقي كأن فيه بلاستيك او قطعه مدري كيف اوصفه ماتروح الا اذا بديت اخذ العلاج ومعدتي بدت تهدأ تخيل اخاف من الناس يشوفوني بهالحاله لأني اصير في حاله غير طبيعية وقلقه وجسمي كله يتحرك يعني هياج حركي ومعدتي نفس العضله تتحرك زي نبض القلب واخاف اطلع من البيت
الان اخذ سيروكسات من سنتين تقريبا وتماااام اموري معه حتى صحتي زانت بس اذا تركته او خففت الجرعه احيانا تجيني الأعراض بس طبعا مو نفس الشده اخف بكثير
اتمنى اكون طبيعية زي غيري وبالصدفه دخلت هالموقع ويوم دريت انه في ناس مثلي حسيت اني ودي اتواصل معهم كنوع من التخفيف والفضفضة بعيدا عن الناس اللي ممكن يعتبرون حالتي جنون او اني مو طبيعية مثلا
تحياتي لك اخوي واعذرني لو مارديت بسرعه لأني غالبا مشغوله ومو دايم ادخل
اشكرك من كل قلبي