نفساني - عرض مشاركة واحدة - راجع لكم بهم مايعلم به الا الله هل من مساعده

25-01-2010, 05:32 AM

الاح عنوان الهم....أسأل الله أن يشفيك
بالنسبه للأعراض اللي تجيك فهي نوبة هلع شديده ومن كثر ما تجيك صار عندك قلق وخوف أنها تتكرر وصار عندك أيضاً اكتئاب بسيط
نفس الأعراض اللي تقول عنها كانت تجيني وصارت حياتي كلها تفكير بالموت وأفكار سوداويه كثير لدرجة أني أخاف أطلع من البيت عشان ما يجيني شي وصرت ما أحب أروح المسجد عشان ماتجيني نوبة هلع وأنا بين المصلين
عموما علاجك لازم تراجع الدكتور يغير علاجك وأنا كنت أستعمل علاج أفكسور 75 مج لعلاج الاكتئاب والهلع والوسواس مع بعض...وأيضاً علاج دوقماتيل 50 مج وهو لعلاج القلق والخوف وأستمريت على العلاج مدة سنه نسيت خلالها نوبات الهلع وصرت أروح المسجد وأجتمع مع الناس وأطلع في السياره لوحدي
أقسم بالله يا أخي الكريم إني جننت أهلي بالمستشفيات وكل المستوصفات اللي عندنا في الحي صاروا يعرفوني من كثر ماراجعتهم أو كنت أجيهم لدرجة أنه في مره من المرات قمت الصباح وجتني نوبة هلع وطلعت من البيت بسرعه وركضت للمستوصف ودخلت عليهم بدون شي في رجلي وبملابس النوم
ولكن بعد العلاج اللي قلته لك نسيت المستشفيات والحمد لله
أهم شي خلك أنسان قوي ولا تخلي نوبة الهلع تسيطر عليك وروح للدكتور وغير علاجك وراح تشوف كيف راح تتغير حياتك
وابدأ واظب على الصلاه وراح تحس براحه نفسيه اكبر وارجع اختلط بالناس ولا تفكر ابداً في نوبة الهلع ولو جتك فجأه فلا تقلق ولا تخاف خلك هادي وتنفس بشكل سليم وحاول تتحكم بأعصابك وراح تروح منك ولمعلوميتك فأنك لست الوحيد اللي يعاني من نوبات الهلع فهناك ناس كثير يعنون منها ولكنها تختفي بعد العلاج وهي حاله بسيطه...أتمنى لك الشفاء العاجل