نفساني - عرض مشاركة واحدة - ســـــــــــــــــــــــــؤال .. هل تحسون مثلى

25-01-2010, 05:50 AM

الاخ الحربي .... المنطقه اللي تتكلم عنها أنا سألت عنها وبحثت عنها في النت لأني كنت أعاني مثل ما تعاني ولم احصل على اجابه إلا من دكتور كنت اراجعه وقال لي : إن منطقة البطن عموما هي مركز أعصاب الجسم يعني كافة أعصاب الجسم تبدأ من منطقة البطن وبعدها تتفرع .... ولأجل هالشيء أول ماتجيك نوبة الهلع أنت تتوتر وتتوتر أعصابك كلها ويكون التوتر والقلق متركز في منطقة البطن فتحس بغثيان شديد وتحس ان روحك بتطلع من حلقك لأن الاعصاب تشد البطن وترخيه فيرتفع الحجاب الحاجر وينزل وحتى المريء يتحرك وكله بسبب الخوف والتوتر وهو طبيعي
بالنسبه للخمول والتعب بعد نوبة الهلع فهو شيء طبيعي نتيجة أنك شديت أعصابك وشديت عضلات جسمك كلها وأنت في غير وعيك وخايف وبعد ما تروح النوبه وترتاح ويروح الخوف يبدأ الجسم يرتخي وهو طبيعي لا تخاف
كل اللي تعاني منه نوبة هلع لا اقل ولا اكثر
سيطر عليها واستخدم العلاج المناسب وراح تنسى كل هالاشياء اللي صارت معك وراح يجي يوم بعد ما تتعالج ان شاء الله وتضحك على نفسك وتقول : أنا ليش كنت أسوي في نفسي هالاشياء وليش ماكنت اتحكم في نفسي وليش وليش
الله يشفيك