نفساني - عرض مشاركة واحدة

27-01-2010, 10:30 AM

بسم الله الرحمن الرحيم
كلام كتير في خاطري وما اعرف من فين أبداء إنا إنسانه حزينة اكره نفسي أتمنى أموت ولا أعيش هذي الحياة بس أخاف من الله وما اعرف إنا ظالمه أو مظلومة
إنا عمري 23 سنه متزوجة من 3 سنوات ونص بعد قصه حب سنه وخطوبه سنتين وزوجي اكبر مني ب 8 سنوات هو جامعي ومتوظف في القطاع الخاص وأنا طالبه جامعيه
مكان ولادتي نفس مكان ولادت زوجي هو الولد السادس قبله ولد واربع بنات وبعده ولدين وبنت وانا البنت السادسه وقبلي بنتين وتلاته اولاد ويعدي تلاته بنات انا الزوجه الاولى وهو الزوج الاول

بداءت مشكلتي من أول يوم في زواجي كنت مره خايفه من الدخله وكل ما قرب زوجي مني ابكي وهو مره حنون عليه ويهدني وبعض احين كان يزعل وكل يوم بعد يوم مشكلتي وخوفي يزيد بشكل جنوني ونفسيتي مره تعبانه ومو عارفه لمين اشتكي وكل مااتكلمت مع زوجي في الموضوع ابكي وانهار وهو يهديني ويقولي هدا قضاء الله وقدر والله كاتب لنا كدا ولازم نصبر وفرج الله قريب ولا تزعلي نفسك وهدا اكتر شي يزعلني زوجي طيب ويحبني وما يستأهل إلي اسويه ولو إنسان تاني ماصبر ورجعني بيت أهلي بس والله العظيم مو بيدي بعد سنه من زواجي رحت لدكتورة النساء والولادة وقلت لها عن مشكلتي واقترحت عليه أروح لدكتورة نفسيه واخدت موعد وما رحت للدكتورة النفسية وبعد سنه رحت لدكتورة نساء وولادة تانيه واقترحت عليه أسوي عمليه فض البكارة وما سويت العملية وما اعرف ايش حيسوا فيه أهلي لو عرفه عن الموضوع أمي دايم تفتح معايا موضوع الحمل وكل مره أقول لها لما اخلص الجامعة كل صحباتي وأقاربي أتزوجوا بعدي عندهم أطفال حاسة نفسي ناقصة عن الناس

أتمنى إنسان يساعدني في حل مشكلتي

هايدي الحزينه

المصدر: نفساني