المشاركة الأصلية كتبت بواسطة المتفائل دائما

انا اذا جتني النوبه في اي مكان مع ناس او في السياره احاول اني اهدي نفسي على قد ما اقدر..واذا ما هديت احاول اني اتحرك اغسل وجهي بمويه اسوي اي شي الين اهدى وتروح نوبة القلق لوحدها.. واذا كانت النوبه قويه اخذ حبه وحده او نص حبه مهدئه وبعدها اهدى بشكل كامل وتروح اعراض النوبه المزعجه والحبه المهدئه عند استخدامها وقت الضروره فقط ما تسبب اي تعود
وبنسبه لناس الي حولي اذا لاحظوا عليه هذه الاعراض..ما عندي اي مشكله ابدا اقولهم انه عندي نوبات هلع وقلق واشرحلهم اعراضها اني احسن بضيق نفس وخوف وغيرها..وعني انا كل الناس الي حولي يعرفون هذا الشي.. وما استحي ولا اخجل ابدا اني اقول حالتي واشرحها لهم.. لان هذه حاله مرضيه مثلها مثل كل الامراض الي تصيب الانسان والمرض مو عيب
وبالعكس انا ارتحت كثير لما شرحت لاقاربي والناس الي حولي الحاله الي عندي لانهم صاروا يتفهمون وضعي وحالتي اكثر
والاصنصيل والاماكن المغلقه كنت زمان احس باختناق منها لكن مع الدواء الي هو سبراليكس ومع تكرار ركوب المصعد اكثر من مره راح الاختناق وصار الامر عادي جدا
اكيد طبعها لانه مرض القلق ونوبات الهلع والحمدالله ليس من الامراض القاتله او العضاليه.. حتى الامراض العضاليه مثل السرطان والايدز اصبحوا اغلب الناس يتشافون منها ويعيشون حياه طبيعيه..فما بالك بمرض مثل القلق والهلع ..
فمرض الهلع مع العلاج الدوائي وجلسات العلاج السلوكي المعرفي باذن الله الواحد بيشفى منه وحتى مع الشفاء الكامل ممكن تجي نوبات هلع ولاكنها راح تكون خفيفه وقليله جدا
وكل الاحصائيات الطبيه الي قريتها حول مرض القلق والهلع وحتى الاكتئاب والوساس القهري والرهاب تقول ان هذه الامراض يمكن الشفاء منها بشكل كامل مع استخدام الدواء والعلاج السلوكي المعرفي..فهي ليست امراض مزمنه ولا امراض قاتله ولا امراض تعيق الانسان انه يعيش حياته بشكل طبيعي
وتفاءلوا بالخير تجدوه..فالواحد لازم يكون متفائل دائما وتفكيره ايجابي دائما