المشاركة الأصلية كتبت بواسطة المتفائل دائما

مرحبا اختي شمس
حتى اذا الواحد تحسنت حالته بنسبة 100% و استمر مثلا لمدة طويله ما جاه اي قلق او هلع..ممكن في اي وقت تجيه نوبة هلع وهذا امر عادي... وهذا ما يدل ان حالته انتكست او انه رجع مثل اول لا ..لان نوبات الهلع والقلق راح تكون نادره وقليله وخفيفه
ونوبات الهلع لايمكن الواحد يتنبأ فيها ممكن تجي في اي وقت واي مكان واذا كانت خفيفه او متوسطه يحاول الواحد يتحملها الين تروح لوحدها .. واذا قويه وطولت فياخذ حبه مهدئه وتروح بشكل كامل باذن الله
الواحد ما يصلح يفكر في نوبات الهلع دايما.. انسي نوبات الهلع وعيشي حياتك بشكل طبيعي .. انسى نوبات الهلع وهي راح تنساك.. و الواحد اذا تحسنت حالته حتى لو جاته نوبات الهلع راح تكون قليله جدا وخفيفه
يعني ممكن نعتبر نوبة الهلع مثل الربو.. الي عنده ربو ممكن تمر شهور ما يجيه اي كتمه وممكن تجيه كتمه بسيطه وتروح لوحدها..وممكن تجيه كتمه شديده وبكل بساطه يستخدم البخاخ وتروح الكتمه
ومثل نوبات الهلع لو كانت خفيفه او بسيطه يحاول الواحد يتحملها لو كانت شديده او طولت معاه ياخذ حبه او نص حبه مهدئه وتروح النوبه خلاص
يعني الواحد لازم ياخذ الموضوع ببساطه وسهوله وما يضخم منه او يعقده