|
مشكلة اود عرضها للأستاذ الدكتور السبيعي حفظه الله
الاستاذ الدكتور السبيعي حفظه الله ورعاه
مشكلتي مشكله مالقيت لها حل من ثلاث سنين تقريبا ... بداية المشكلة...
كانت حياتي طبيعيه جدا الى ان جاتني الوالده الله يحفظها وطرت لي موضوع الزواج قالتلي ودي اخطبلك بنت خالك .. وطبعا ضربتني على الوتر الحساس زي مايقولون لأن هذي البنت احبها بكل صراحة طبعا الى حد الحين كل شي حلو لكن انا قلت للوالده خليني افكر .. لأني دايم اشوف البنت تلبس العبايات
المخصرة واللبس هذا مايعجبني ابدا و عندنا صديقة لها يعني زي مايقولون صديقتها الروح بالروح صادوها اهلها تكلم شباب بالتلفون وانا بصراحة خايف ليكون اثرت على بنت خالي .. و من ذاك اليوم الى يومنا هذا وانا دايم افكر فيها .. والله العظيم اني كنت في جامعة الملك فهد اللي هي احسن جامعة في المملكة لكني ماقدرت اكمل فيها من كثر التفكير وطلعت من الجامعة وراسي والله غطاه الشيب وانا عمري ماتجاوز ال 21 سنه انا خايف اخطبها واتزوجها وبعدين تصير حياتنا كلها شك وهذا طبعا ماينفع ... مدري وش اسوي عطني الحل تكفى يادكتور خلني الحق على مابقى من عمري قبل لايضيع كله ...
واسمحلي على الاطالة
والسلام خير ختام
|