|
تعالوا اسولف عليكم شوي ،وعندي مشكلة................
بسم الله الرحمن الرحيم
سلام الله ورحمته وبركاته على الجميع
طبعاً انا شخص جديد بينكم
وصديق قديم لنوبات الهلع التي صارت جزء من حياتي
ممكن اكثر من ١٢ سنه .. خخخخ نسيت ايامي الطبيعية مدري الناس وشلون عايشين بدونها ......
عموماً
اكثر شئ شدني للتسجيل هو تبادل الخبرات
خاصة لما اقرا انه احد يعاني بشده احس باحساسه واتفهم شعوره لاني مريت بنفس التجارب وكلنا كذا
طبعاً في بدايه الاصابه كنت مااعرف وش السالفه
طبعاً زي كثير منكم اعتزلت الناس والطلعات كله من الخوف
ورحت للاطباء وسويت تحاليل
واخذت علاجات
وعلاجات نفسية
ومهدئات للضرورة
طبعاً هههه مااستفدت منها زي الاغلبية
وكنت في قرارة نفسي اقول ممكن يلعبون علي ممكن تكون حبوب وهمية مو علاج
لاني ماشفت منها أي فايدة
الا طبعاً اعراض الانسحاب فيما بعد
وقفت العلاجات كلها
استمريت كم سنه واللي حولي مهتمين بس محد حاس فيني يتألمون بس الشعور ماجربوه
وان شا الله مايجربونه أبد
بعد مده ملوا مني ومن كثرة النوبات
وماالومهم تعب وخوف ومافيه شي يذكر او يستدعي
المهم مرت الايام
وصرت اخبي هالشعور اللي يجيني ، و
وجدت ضالتي في القران والعودة الى الله سبحانه وتعالى
وهذه ولله الحمد والشكر اجدها من محاسن مرض الهلع
ان تستحقر وتحس بتفاهة الدنيا وتعظم الخالق سبحانه وتعالى
عندما تاتي النوبه
احاول قراءة القرآن وهو صعب جداً اعلم
احاول ان اقاوم
مرات انجح ومرات للأسف لا
اصبحت النوبات كضيف ( ثقيل دم ) لازم اتحمله
كلها كم ساعه ويروح
وفعلاً كم ساعه ويروح
بس معاناه تعرفونها انتم
مشكلتي الآن ...............................
والتي اتمنى ان اجد لها حلاً
هي توابع النوبات
مابعد النوبه شعور الاحباط ولاانهزام
القلق
الاكتئاب
الخوف من الخوف ومن اللا شئ
الكوابيس المزعجة
وعلى طاري الكوابيس ابقول سالفه تضحك ،
قبل فتره قريت بجريدة مقال للدكتور جابر القحطاني عن نبات الرجلة
من فوائدة انه اذا الواحد حطها بفراشة مايجيه احلام
من دلاختي سويتها
ولا استفدت شئ
خخخخخ
هالكوابيس حاليا مأثرة على حياتي
واخاف اقرا الاذكار لاني اذا قريتها تتسلط اعوووذ بالله
ف اللي لقى حل مع هالسوالف يعلمني
واتمنى اني اكون شخص خفيف ظل بينكم ..
واي سؤال جاهزين ...
|