المشاركة الأصلية كتبت بواسطة المعتز بالله

انا نفسى فى يوم يبدا جميل وينتهى جميل زى اللى كانت زمان
وعلى فكره الايام الحلوه عمرها ما هترجع تانى خالص والناس عمرهم ما هيتغيرو
انا مش عاوز احسسك بالياس بس هى دى الحقيقه المره
انتى عارفه انى احيانا بنفضل ابكى واقول نفسى ارجع طفل صغير من تانى
علشان افرح واضحك من غير حساب
والعب كتير كتير قوى لغايه اما اتعب من كتر اللعب وانام من غير ما اخد العلاج المنوم
وانام كتيـــــــــــــــــــــــــــــــــــــــــــــر
اما من ناحيه الاصحاب
هقولك قصه صغيره
مره كنت عند واحد صاحبى وكنا قاعدين حوالى اربعه او خمسه مش فاكر بالظبط
وكنت تعبان قوى فى الفتره دى
وكان فى واحد منهم بقوله انت ليه مش بتيجى تسال عليه وانا تعبان
انتى عارفه قالى ايه؟؟؟؟؟؟
مش هتصدقى
والله قالى بنفس اللفظ "" ما انت كل يوم تعبان هو انا كل يوم هسأل عليك""
وكان عزيز عليا قوى
من يومها وانا بدات اكره الاصحاب عموما
طيب ايش رايك احكيلك عن صحباتي
كان عندي احلى شله بالكون كان كل انسان يتمناها وبيوم من الايام تفرقنا عشان سبب سخيف كثير عايز تعرف هو ايه ححكيلك وانا عارفه انك راح ضل تضحك بالساعات السبب اني ما رضيت اروح معاها المول ومن يومها و احنا لا بنحكي مع بعض ولا بنشوف بعض ايه رايك ؟
انتى عارفه انا حاسس انى تايه فى الدنيا مش قادر اعمل اللى انا نفسى فيه
يعنى انا بشتغل فى حاجه انا مش بحبها خالص
نفسى اشتغل فى شركه عندنا فى مصر مرتبها كويس جدا
وفيها تامين صحى وممكن اتعالج ""من الاخر هرتاح قوى ""
بس المشكله انها عاوزه واسطه زى ما انتى عارفه
ف انا حاسس انى عاوز اقتل الناس كلها علشان كده وبكره الناس كلها
اتمنى الا اكون اطلت عليكى وتعبتك معايه
والف شكر على نصيحتك الغاليه