نفساني - عرض مشاركة واحدة

14-02-2010, 06:07 PM

السلام عليكم

مشكلتي كثييير افكر فيها هالايااام
كنت واثقه بنفسي لكن اكتشفت ان هذه الثقه عمياااء !!
عندي تطبيق الترم الثاني الي بيبدا بعد اقل من اسبوع
بطبق اشرح بمدارس كمعلمه فانا طالبه بالكليه
بيكون التطبيق بالبدايه يوم بالاسبوع وبالنهايه
اسبوعين كاملييين ,,
المشكله اني لاستطيع ان اقف قدام بنت واكلمها
فكيف بقف قدام صف بكامله غير كذا الي بيحضرلي ويقيملي

كنت سابقا اعاني من رهاب اجتماعي صحيح ومشاكل
وانتهت بفصام بس تعالجت
وانا الان بتشتتت يوم بصير قويه واقدر اتكلم ويوم اضعف من الضعيفه
ولما اتشجع بقوه الخبط بالكلام ولا اقدر انطق وينربط لساني واسكت
فانطق حرف واسكتوالكل يعلقوا علي ويقولوا اني مرتبكه وكذا
انا مرت علي تقرياب سنه ونص كنت منطويه تماما عن الجميع
بالبيت 24ساعه بغرفتي بالكليه كان غالبا دوامي مسائي فيكون مافي الا بنات قليل واجلس بزاويه وحدي وقت المحاضرات
بس اطلع اروح لاماكن مهجوووره واجلس فيها وحدي
وبعد العلاج جلست قرابة سنه بالكليه احاول اندمج شوي مع البنات
وتعبت جدا لكني الان بمرحلة متقدمه نوعا ما رغم اني كل ماتقدمت
تراجعت !!! ,,, احيانا اثق بشكلي جداااا واسمع كثير من المديح رغم اني لااصدقهم
واحيانا بس تخرب نفسيتي اخاف من رؤية نفسي بالمرآه فالشكل ايضا يتغير مع النفسييه والاكتئاب
اخاف من النطق والحديث ومن سماع صووووتي فكيف اتدرب
بطريقة المرآه وغيررره ,,
قبل فتره كنت واااثقه جدا من نفسي اني بقدر اقرا مقال
لان الدكتوره قالت كل وحده تجيب وتقرا لازم درجة مشاركه
كنت واثقه بان صوتي اعلى واوضح من اصوات البنات وهو كذا لكن يهدمه الخوووف والارتباااك تدربت علي النص قبل لااقراه
وبس بديت ومو واثقه قدام البنات بالعكس جالسه مكان يعني ماحس في ان البنات كثيير وجالسه عالكرسي مو واقفه حسيت اني بنهااااار
حسيت اني مابقدر اكملللل انربط لساني انطق حرف فاسكت
قلت استسلم واقولها ماقدر اكمل واتفشل قدام البنات ؟!! لالالا
والف فكره وفكره براسي واحاول واحاول اتجاهلها وتاتاه وبلعت كلمات وحروف والكلام مو واضح وقطعت كلام ومتتتت خوووف خصوصا مع مشكله ان لساني ينربط ولا اقدر ارجع اتكلم ثاني ..!!
سالتني مره بنت سؤال اجابتها عباره واحده جلست معاها نص ساعه
وانا اقوله وبصعوبه واخربط واخبرط فيهااا وتقول ايش واعيدهاا !!
حسيت بعذاااااااااب جمله ماقدر اقولها لبنت فكيف قدام فصل كامل
والكل يراقبني وهناك بتجي مشرفه تقيمني او معلمه ياويلي !!!
الناس صارت تشمئز مني لما اتكلم ولا تفهم شئ فغالبا يتجاهلوني ويتركوني مهما كان الشئ الي بقوله مهم وصحيح ..
واحيانا والله اقدر اتكلم بشكل عااادي وماحس بالي حواليني ولا بخوف ولا باي شئئئ ولا ارتباك ..!!! لكن فجاءه لما احس اتعب
فحاول دايم ماركز واشتت ذهني بس نفس الشئئئ..
اضافة الى اني جدا حساسه وبطبق عند بنات متوسط
يحبون سخريه وتعليقااات ,,
واعاني مشاكل بالتركيززز والحفظ والنسيان
حتى ماقدر احل بالاختبار او افكر او استرجع الي ذاكرته
هذا ان قدرت اذاكر او اقرا الورقه !!
ايضا تجيلي حالات ضياع بالذهن واتوه واضيع ولا اعرف حتى نفسي
ووين انا فيه وباي مرحله ادرس واتوووه ولا اقدر افككررر واصوات عاليه براااسي تتكلم وماوعى وافهم شتقول وتفقدني ووعيي وتركيزي وكل شئئ ..اخاف تجيلي هالحاله بعد يالله ><

احسكم الوحيدين الي بتفهومني لاني لما اسال اي احد
الي تقولي تتدرب عند خواتها وانا مستحيل اجلس جنب اهلي اواتكلم معهم
والي تقولي سالفة المرايا والي مسجل
كلهم ماينفعوووا معييي
لما استشير اخصائيين يقولون لي على حسب حالتي بشكل كامل
اني محتاجه اتعالج بالادويه وادوية ذهانيه وهذه الادويه مره تتعبني
يعني مستحيل اخذها واروح اداوم او ادرس واصلا هي تضرني !!
فانا الحين ماخذ شئ
بليييييييز ياليت تفيدوني من تجاربكم ..!!

المصدر: نفساني