نفساني - عرض مشاركة واحدة

20-02-2010, 12:47 AM

نسبة \ ثانوية عامة \ جامعة \ معدل \[color=#FF1493] تخرج [/color].... والقائمة تطول =(

كلها هموم على القلب = نقرتين لعرض الصورة في صفحة مستقلة

احنا بس نقول الله يلطف بحالنا مانبي من هالدنيا غير حسن الخاتمة

المهم ..

عشان تسهل دراستك .. لازم تكون لك طريقة في المذاكرة.. كثير يقولون احنا نذاكر ونتعب نفسنا اخرتها مانجااوب =\

عشان تضمني انك تحلي كويس وتضمني ان شاء الله معدل أو نسبة ترفع الراس ..

هذي استراتيجيات تعلمتها وانا ادرس والحمدلله ماشية تمام التمام معاها ..

:

أتذكر وحدة من معلماتي في المتوسط الله يذكرها بالخير.. قالتلنا ..

ليه دايماً في الاختبارات ماتطلع منك الإجابة ..
مع انك عااارفة المعلومة ومذاكرتها

لدرجة انك حافظة رقم الصفحة بس هي مو رااضية تطلع عالورقة !

ليـه؟؟

لأنك مادخلتي المعلومة لمخك صح .. دخلتيها وانحاست مع المعلومات الثانية ..

تخيلي انه دولابك مقربع .. وانتي مستعجلــة تبغي البلوزة البيضا

ومتأكدة مليون في المية أنه أمس شاايفتها بعينك .. مع ذلك تحوسين أبو الدولاب

.. وماتلاقينها ! خيييير وين رااحت !!

الحين تخيلي لو كان دولابك مرتب .. البلوزات مع بعض والبنطلونات مع بعض وكل شي في مكانه ..

تبغي البلوزة البيضا.. علطول تاخذينها وتروحي العزيمة ..

هذا زي مخك تماماً ..

لو مارتبتي المعلومات وصنفتيهم ماراح تلقينهم بسهولة ..

مثلاً .. لو فتحتي الفصل الأول .. قريتي كم كلمة بعدين خذيتي الاوراق ذاكرتي منها ..

بعدين رجعتي للفصل الأول .. فجأة أحد دق عليك .. خلصتي منه .. تروحين للفصل اللي بعده ..

ماعجبك مره .. قمتي للصالة
فتحتي الفصول الأخيرة تذاكريها ..

أما لو جلستي .. وفتحي الفصول وشفتي عناوينها

وقلتي لنفسك الحين بذاكر فصل كذا وكذا
وبدأني تذاكريه ..و خلصتي منه .. و راجعتي ايش ذاكرتي ..

مثلاً ..

هالفصل كان يتكلم عن الضوء ( تعريفه , تطبيقاته , مسائل ) ..
التعاريف كانت 5 ( كذا وكذا ....) والتطبيقات عليه كان جهازين ( ....و ....) والمسائل

3 قوانين .. الاول .... و الثاني ... والثالث ..... .

بهالطريقة بتترتب معلوماتك

الاستراتيجيات اللي تساعدك في المذاكرة :

__________________

خطة الدراسة

نقرتين لعرض الصورة في صفحة مستقلة

سويلك خطة دراسة اكتبي فيها الفصول و الدروس .. وحطيها قدامك.. ميزتها انك تقسمي وقتك وتعرفين بالضبط ايش وراك..

هذا مثال لخطة دراستي لما كنت بالثانوي

.. احلى شي لما تخلصين من فصل تشخمطيـن عليه من قلب.

:

Mind Map

نقرتين لعرض الصورة في صفحة مستقلة

الصور ترسخ في المخ أكثر من الكلام ..

إذا بصعوبة تحفظي الدرس .. والمعلومات كثيرة ومتشعبة ..

استخدمي (المايند ماب) أو (الخريطة الذهنية)..

ارسمي الصور اللي تعبر عن المعلومة عشان ترتبط في بالك .

.فـ لما يجي الاختبار تتذكري الصور اللي راسمتها وعلطول تتذكري التعاريف والكلام..

لها كتاب خاص لطريقتها بالتفصيل.. اسمه ( الخريطة الذهنية خطوة بخطوة- نجيب الرفاعي)

بس مايحتاج تاخذي الكتاب.. ممكن تلقين معلومات عنه في جوجل

:

التلخيص

نقرتين لعرض الصورة في صفحة مستقلة

التلخيص مهــم

.. أستغرب ماشاءالله عالبنات اللي يقدروا يذاكروا من الكتاب

اجمعي كل التعاريف مع بعض في ورقة . وكل القوانين في ورقة. وكل المصطلحات في ورقة ..

والأسئلة في ورقة. عشان تترتب معلوماتك زي ماقلنا..

وكمان عشان تاخذي المهم والزبدة

لما تفتحي الكتاب وهو كلله معلومات.. تركيزك بيقل .. تذاكرين ايش ولا ايش..
بس لما كلهم في ورقة .. راح يسهل عليك.

زمان في الثانوي كنت ألخص وكل ماشافني أحد قالي ..

آآه هوني مرره فاااضية .يختي ذاكري من الكتاب

صح كانت تاخذ وقت مني .. بس الحمدلله مرره أرتااح في الاختبارات
وأخلص مذاكرة بسرعة

يتبـع ارجوا عدم الرد الان