غدا أجممل

بيانات اضافيه [ + ]

رقم العضوية : 28733  تاريخ التسجيل :  09 2009  أخر زيارة : 20-05-2010 (03:35 AM)  المشاركات : 4 [ + ]  التقييم :  10

لوني المفضل : Cadetblue

دكتور محتاجتك بأسرع وقت

السلام عليكم ورحمة الله وبركاته

كيف حالك دكتور؟

سبق وطرحت مشكله لي مع زوجي وتفاعلت معي مشكورا وانا الان اود طرح مشكله اخرى ,,لاادري هل انا فعلا بحاجة مساعده ام هي لمجرد الفضفضه لأني كتومه جدا ولا احب افضفض لأي أحد خاصة فيما يتعلق بمشاكلي الزوجيه ,,
لذلك رغبت ان يكون طرحي لشخص متمكن اهل لأن يساعدني وينصحني..
مشكلتي بدت مع زوجي من سنه تقريبا .. لما كشفت للأسف خيانة زوجي لي عن طريق محادثات ماسنجر وشات وجوال,,
انصدمممت وقتها ,بكيت,,انهرت,,وصرت لمرحله كنت احس نفسي غير مسؤوله عن تصرفاتي مجنونه لأني شفت كل شي المسجات والرسايل وايميلات اباحيه وصورة وحده من البنات اللي كان يتواصل معها,, واكثر ايميل بكاني لماقال لصاحبته اللي تسأل عنه مااقدر اكلمك هالأيام لأن المدام صارت تسهر معي... أأأأأأأأأأأأأأأأأه ماأصعب الخيانه,,طبعا وقتها قال زي ماكل الرجال يقولون انتي الغاليه وهم ولا شي!!
(قبل خيانته لي كانت العلاقه بيني وبين زوجي متوتره كثير من بعد ماولدت صار عندي فوبيا من العلاقه واتعذب وقتها واحس بالم فظييع فكنت كثير اتهرب منها,,)

هذا الشي خلاني اعطيه فرصه وحاولت وقتها اتغير في كل شي
عطيته كل شي ووصلت للمرحله اللي حسيت فيها اني مثاليه ومشت الحياة وهو تغير وصار ينام ويصحا معي وماعاد صار فيه ارقام سريه عالجهاز ولا الجوال ومايطلع من البيت الا قليل
علاقتنا الحمدلله كانت حلوه الا من بعض المشاكل اللي مايخلو منها اي بيت
بديت الحمدلله ابني ثقه من جديد ومرت تقريبا سنه
يوم السبت الماضي (اجازتنا بحكم اننا بأمريكا) طلعنا وتمشينا وكنا الحمدلله سمن على عسل
رجعنا البيت وانا طلعت كنت معزومه عالعشاء لما رجعت كنت في حاله نفسيه سيئه لأنه حصل لي وقتها موقف مع وحده من صاحباتي ماتوقعته يصير
شكيت له لأني كنت مخنوقه وبعدين قلتله بروح انام قال اوكي!!
تمنيت وقتها انه يجي معي يسليني يخفف عني عشان ماافكر بالموضوع بس هو ولا على باله
بعد ساعه قمت اشوفه (حسيت اني لازم اقوم اشوفه زي مايقولون نغزني قلبي)
لما دخلت عليه لقيته داخل شات وتوه فاتح خاص بس مابعد تكلم,,
ارتبك وسكرها بسرعه قلت وش قاعد تسوي؟ صار يقول كلمه ويبلع الثانيه مااسوي شي مدري كيف فجأة انفتحت لي الصفحه هذي!!!

انهرررررررررت خلاااص انتهينا (في هالوقت اللي احتجته يخفف عني زادني؟ واحس اني مااعد اقدر اعطيه اكثر من اللي عطيته وماقصرت معه بشي
طلبت منه يحجز لي خلاص برجع اهلي
بس كلما كلمته قال ان شاء الله بنرجع كلنا في الصيف,, كل اليوم كان يراضيني
تعبااااانه ومحتاااااره ماعاد له شي بقلبي و لاعاد اقدر اثق فيه ولااقدر ارتاح,, فعلا الثقه بين الزوجين نعمه عظيمه انا انحرمت منها
وش الحل؟..
مشكلتي بعدي عن اهلي يعني مااقدر ابعد عنه شوي وافكر بالموضوع واقرر براحتي ,,والمشكله الأصعب ان اختي انفصلت عن زوجها من سنه وهالشي مأثر على امي وابوي واخاف رجعتي انا بعد تهدهم :(

انا الزواج بالنسبه لي حب وتفاهم واحترام ومااقدر اعيش غير كذا
ساعدني يادكتور ولا تتأخر علي
انتظرك,,. وهذي بياناتي:
العمر لكلا الطرفين
انا 24 وزوجي 29
عدد سنوات الزواج أو الخطوبة
4سنوات
عدد الأطفال
1
المستوى التعليمي للطرفين والتخصص
انا حاصله على الشهاده الجامعيه وهو الماجستير
مجال العمل للطرفين
انا غير موظفه وهو مازال يكمل دراسته العليا
المنطقة التي ولد فيها كل طرف
كلانا في الرياض
هل يوجد زواج سابق
لا
هل أنت الزوجة الثانية
لا
ماهو ترتيب الزوج أو الزوجة بين الأخوة
زوجي الثاني وانا الخامسه

المصدر: نفساني