|
لأ صحاب الخبره والطيبين انصحونى
بسم الله الرحمن الرحيم
كل عام وانتم بخير
وتقبل الله طاعتكم
يااخوان مشكلتى والله غريبه ولا اعرف هل هى عاديه ولا تصير بكل البشر
ابدأ قصتى
كنت جالس عند عمى بالدوانيه وهى المره الاولى التى اجلس معهم
وكان فيه شباب ماعرفهم المهم جابو الجنجفه ( الورق) وقالو نبى نلعب
سرت انا وعمى ربع باللعبه وفيه ثنين غيرنا للعلم اول مره اللعب مع عمى
لعبنا وكنت عال العال طبيعى ومستانس فجاه غلطت باللعبه ثار عمى بوجهى
كدام الناس وقالى كلام انت ماتعرف تلعب وانت وانت وانت بغضب شديد وصراخ
لقيت نفسى انطرمت وتلعثمت وماقدرت اسوى شى لانه عمى ولااقدر ارد عليه
تعرق وجهى ورتجفت وطلعت بسرعه غسلت وجهى ومشيت للبيت وبعد فتره
لقيت نفسى اخاف اروح مكان فيه ناس مثل دوانيه حاولت لقيت نفسى تجينى
حاله غريبه وهى لما احد يسألنى قدام الناس او اكون بموضع نظر الناس
ويحاولون يسألونى عن شى او يقولولى سالفه او يكلمونى فجأه احس
خفقان بالقلب استطيع اسمعه خوف شديد احمرار الوجه الرغبه الشديده الشديده
بالبكاء التلعثم بالكلام لدرجة الهروب وبهاذا اعتزلت الطلعات والمناسبات
حتى بالدوام صرت اجلس بروحى وفكر الحين ينادونى الحين يسالونى
الحين انحرج الحين كذا كذا متاهه يعلم بها الله وحده قلت يمكن سحر يمكن عين
رحت المشايخ وسافرت لكل مكان ولا اخفى عليكم حتى العرافين والسحره
وتعال وشوف هاذا سحر هاذا عين اشتر ماى اشتر زيت اكل هاذا لاتاكل هاذا
هاذا يبى 20 وهاذا 100 وهاذا 50 تعبت تعبت بدون فايده اخر شى استسلمت
للطب النفسى راجعت عيادات وستعملت افيكسور ارتحت صراحه شوى بس
خوف من الدويه ومتاهاتها واعراضها خليتها رجعت الحاله استعملتها سرت زين
وانا الحين على هالمنوال سوألى هو
بعد ماقرات موضوعى شنو شفت وين اقدر ابدأ بخطوه جديده
الادويه هاذى لها علاقه بالخلفه او اعيالى اذا كبرم او حتى وهم صغار
اذا فيه علاج بدون ادويه وين اقدر القاه وعند منو
نصيحه توجها لى وتدلنى على طريق يشفينى من الى انا فيه
للعلم انا من الكويت وعمرى 30 والحاله صارلها معاى 5 سنوات
وذا فيه احد بالكويت استفيد منه لاتبخل على
اخوكم
|