نفساني - عرض مشاركة واحدة

09-12-2002, 11:06 AM

لمياء انا كتبت مشاكرتي امس بس مدري وين راحت 00

على العموم ،،

بعد صلاة العشاء

نمت تقريبا ساعتين يعني الى حوالي الساعة عشرة 00

قمت اتصلت على اخوي يجيب السيارة عشان اروح اخلص اشغالي (( اشبكة مشغولة )) وهذا بفضل ثالث افضل شركة اتصالات في العالم ( خرطي )

قلت ياولد الحين الشبكة مشغولة وانا ضروري ابغى سيارة وش اشوي ياربي 00 والله واروح على الماسنجر والقى خويي قلت ابو زياد يا سندي وظهري ،، قال : شد حزامك وانا اخوك (( طبعا هذي حركات جنوبية صعبة عليكم شوي )) 00

قلت ماعندي سيارة وابغى اطلع اشتري ملابس ومثلك عارف ،، قال حتى انا والله خلاص دقايق وانا عندك 00

وماقصر جاني ورحنا في نص ساعه شرينا كل اللي نبغاه 00 بعدين رحنا الحلاق حجزنا قال تعالوا بعد ساعتين 00 طلعنا جلسنا في كوفي شوب الين جت الساعة 1 00 ورجعنا للحلاق 00

عند الحلاق كنت جالس مع واحد تركي من اقارب الحلاق ونسولف 00 المهم سألته عن تركيا كيف العيد فيها ؟
قال : مثل هنا بالزبط 000 ( سكت شوي ) 00 قال : بس هناك بتشوف البنات يعني كل ي تشوفه واي شي تبغاه منهم عادي 00 ((((((( وهنا بدينا في حوار حاد عن المرأة في السعودية وفي تركيا ))))) اخيرا افحمته بأن المرأة في السعودية افضل منها في تركيا لأن الستر من صالح اختك واختي ومن صالحنا كلنا 00 وان المرأة السعودية استر واعف من غيرها و و و .
واقتنع التركي 00 وقال صحيح والله انت صادق 00 لكن حتى عندكم رغم القطعة السوداء اللي يلبسونها الا ان فيه فساد ويلبسونها غصب والدليل ان اكثرهم يتفنون في لبسها ويلبسون ماركات فيها 00 قلت لا لا هذولا قليل 00

وما امداني اخلص كلمتي الا طلعو من مشغل بجنبنا مجموعة بنات لابسين المخصر واللثام و العطور و ويسولفون وحالتهم حالة 00

(( عطاني نظرة مع ابتسامة سخرية )) وقال البنت السعودية اعف بنت هاه ؟؟ تدري لو هالبنات في تركيا كان على طول الشباب كل واحد ياخذ وحده لانه ما يطلع بهالوقت الا وحده مالها رجال وهي تدور شباب 00

قلت لا .. هنا يسون كذا لانهم حاسين بالامان ..

قال : اي امان انا والله بعيني شفت بنت عمرها يمكن 20 تمشي الساعة وحده بالليل في شارع فاضي 00 شويه ومر ونيت من عندها 00 بعد ما تعداها وقف ورجع عندها ونزل وركبوها اربعة شباب بالقوة وراحو 00

قلت : هذي حالات نادرة المهم شف لي دوري جاء في الحلاقة ولا لا ؟؟ ;)

بعد الفجر
تجهزت لصلاة العيد 00 لبست شماغ اخوي رياض لأن غترتي كانت في المغسلة ماجابها علي الله يهديه 00 رحنا صلينا ورجعنا 00

واحنا ماسكين سرى نسلم على امي كان قبلي رياض اللي ما صلى العيد 00 امي استلمته تكلمه عن صلاة العيد واهميتها 00 وانا قاعد اسلم عليها وهي ماعندك احد 00 ومن العايدين كل عام وانتي طيبة وهي مررره ماهي معي 00 قلت اسمعي فيه واحد بيسلم عليك وانتبهت قلت انا انا 00 ضحكت و دعت لي دعوة الله يقلبها 00

بعد كذا رحنا للفطور اللي متعودين كل عيد نفطر عند واحد احنا وعماني و ارحامنا 00 الفطور اللي هو عيش وسمن وعسل وحقانه و لبن (( اكلة جنوبية ))

وفيه قشطة و جبنة وطحينية (( هذي لنا احنا عيال القشطة ))

ثم رحنا نسلم على اثنين شيبان مرضى في بيوتهم وعيدنا عليهم 00

بعدين رجعنا ونمنا الى المغرب 00

بعد المغرب
يبدا التجهيز للاستراحة اللي هي من اول يوم الى ثالث يوم طبعا غداء وعشاء 00

رحنا الاستراحة 00

كانت المجموعة المسؤولة عن التنظيم اليوم هذا تعبانه شوي في الخدمات فاضطر احد الشيبان يقول واحد من الشباب يجي يصب قهوة 00

انا قمت استحيت لانه كان يناظر فيني زي اللي يقول قم يادب 00

قمت اصب قهوه 00 وهنا بدأت التعليقات 000 اللي يقول ايييييه يا خالد لازم تصب مادام ابو نسب موجود 00
واللي يقول لا لا هو بس يبغى يحسن الصورة عشان يمهد للموضوع 00
والثالث يقول خلك قريب من اخوها ترى هو اهم شي 00 انا قلبت عليهم على طول بطريقتي 00000 ;)

واستمرت المداعبات والملاطفات عند تقليط العشاء و و و 000

اطرف موقف
البقالة بعيدة شويه عن الاستراحة فكان فيه بنت ماشالله ذكية عمرها يمكن 8 سنوات راحت اشترت بحوالي عشرين ريال بطاطس وحلويات وولاعات للصواريخ وعلوك و عصير 00 وشوي الا كل البنات سوو مثلها وباسطين بالبضاعة عند بابهم 00
وحده من البنات قالت خلني اسوي للبضاعة تسويق اروح ابيعها عند الرجال 00 عاد ما اختارت الا انا (( يمكن عشان البودي يأهل )) 00 جت عندي قالت : خالد الله يخليك اشتر بطاطس 00 قلت بكم ؟ قالت : بخمسة ريال : قلت وجع في الدكاكين بريال 0 قالت : لا عندنا بخمسة زي الولاعة حقت الصواريخ 00

موقف محرررررررررررررررررج
بيتنا ما حوله جيران كثير ( حي جديد ) 00 فيه بجنبنا استراحة 00 الاستراحة طبعا بابها اللي يجلس عنده محد يشوفه ولا حد يمر من عنده 00
الهم انا طالع من بيتنا السيارة الظهر 00 ونظري الحمدلله على قدي 00 ضعيف شوي 00000 وواشوف عند باب الاستراحة ثلاثة اشخاص ( احسبهم شباب ) لابسين ملون ازرق واحمر واصفر واخضر 00 ومتجمعين على شي الظاهر انه صاروخ قاعدين يولعونه 00
انا ماشي في امان الله وهم لاهين مع الصاروخ 00 ويوم قربت منهم على بالي باسلم 00 وادق بوري وتوني باقول سلام عليكم الا تقول قرصتهم حيه 00 تدرون وش طلعوا ؟؟ طلعوا بنات جيراننا كانوا عند بابهم الله يصلحهم 00 ويحفظهم 00 انا صراحه انحرجت ومشيت 00 بس قعدت ساعه وانا اقول الله يحفظهم ماشاء الله (( مدري صراحه هو صدق جمال ولا عشان انا اول مره في حياتي اشوف بنات )) 00

وسلامتك يا لمياء ،،،،، طولت عليكم بس تستاهلين انتي تقولين بالتفصيل