تعبان اوي

بيانات اضافيه [ + ]

رقم العضوية : 29305  تاريخ التسجيل :  12 2009  أخر زيارة : 07-12-2011 (12:09 AM)  المشاركات : 17 [ + ]  التقييم :  10

لوني المفضل : Cadetblue

ممكن حياتنا تتغير ونرجع زي الأول ؟ ولا هنكمل حياتنا كده

بسم الله الرحمن الرحيم
السلام عليكم ورحمة الله وبركاته

انا شاب عمري 25 سنة ومن أربع سنوات تقريبا حياتي اتغيرت تماما انا كنت الأول عايش حياتي الطبيعية زي اي حد بمشي وبخرج وبسافر وعمري ما عرفت حاجة اسمها الخوف لكن مريت بظروف صعبة جدا جدا منها تركت عملي وفشلت في علاقة عاطفية من ايام الجامعة ، وبعد كده بدأت اصيب بالتوتر والقلق والاختناق وده كان ليه اثر كبير عليا صحيا وجسديا بدأت اشك في اني مصاب بامراض عضوية بالقلب والصدر والمعدة ، لاني مش كنت بقدر اشرب حتى كوب الماء لاني معدتي كانت تعبت جدا وكشفت عند اكتر من دكتور بسبب الحموضة الزائدة والام المعدة وكان نفس الموضوع برده مفيش تحسن ن وفيه بعض الدكاترة كانوا يقولوا اني دي حالة نفسية وعصبية وهيا اللي بتأثر على الاعضاء وخصوصا المعدة ، وبصراحة كانت فترة صعبة جدا عليا لاني نسيت الاكل وكنت بخاف من الاكل جدا وبعد ظهر حاجة غريبة اوي بسبب الاعراض دي

لما كنت اركب سيارات في الفترة دي كنت احس بالاختناق واني روحي هتطلع لدرجة اني عايز اخرج من السيارة وبدا الموضوع يرتبط بركوب السيارات لدرجة اني بقيت اخاف اركب سيارات ومع الوقت شفيت المعدة والحمد لله بقيت اكل زي الاول لكن مشاكلي مع ركوب السيارات في زيادة لدرجة اني مكنتش بقدر اخرج من البيت اروح مكان هيحتاج ركوب سيارة والى يومنا هذا ركوب السيارات عندي شىء مخيييف جدا وبيحصلي فيه اعراض غريبة جدا وهي اعراض نوبات الهلع لدرجة اني حياتي في اوقات الدوام بقت كمان مبنية على التوتر والقلق بسبب التفكير في الموضوع ده
ونادرا لما ييجي وقت مش اشعر بنوبات الهلع عند ركوب السيارة وتزيد درجة الهلع في المساء اكثر من الصباح
كل يوم حياتي من التفكير بتتعقد لاني مش متخيل اني حياتي ممكن تكون زي الاول واقدر اخرج واسافر زي الناس ما بتسافر

-- ياريت حد من الاخوة المختصين يقدر يرد عليا ويفيدني في حالتي ويقولي رايه في التفرانيل كعلاج مساعد .

ولكم جزيل الشكر

المصدر: نفساني