عرض مشاركة واحدة
قديم 25-04-2010, 06:21 AM   #11
بندق
عضـو مُـبـدع


الصورة الرمزية بندق
بندق غير متواجد حالياً

بيانات اضافيه [ + ]
 رقم العضوية : 30137
 تاريخ التسجيل :  04 2010
 أخر زيارة : 25-03-2013 (02:45 AM)
 المشاركات : 251 [ + ]
 التقييم :  10
لوني المفضل : Cadetblue


السلام عليكم ....

انا ماشفت دكتورك علشان احكم ان كان ممتاز ولا عادي ولا سئ لكن من خلال كلامك حسيت ان الحوار بينكم فيه نوع من الاستهتار والاستهزاء بافكار المريض واحنا عارفين ان هذه الافكار في حقيقتها ممكن تكون تافهة بس الواقع يقول انها تتحكم فينا برغم تفاهتها ومسببة لنا ازمة قد يكون هذا اسلوب علاج يجربه الدكتور معاك اذا حاسة ان هذا الاسلوب يزعجك بلغي الدكتور هو وظيفته انه يسمع منك ويبين سبب هذه الافكار واثرها لازم يسمع منك اكثر ما تسمعي منه انتي تقولي مخاوفك وهو يشرح اسبابها والطرق اللي تخلصك منها ويريحك مثلا المعالج السلوكي اللي اتعالج عنده وهو دكتور سعودي عيادته في الكويت اولا يطمنك و حتى لو استهزأ بالمخاوف يجيبها بطريقة مافيها انتقاص من اللي جالس معاه وبدون قسوة يصغرها عشان يقويك عليها ويفرفش الجلسة بالنكت والضحك والتشجيع بعدين يطمنك من خلال عرض القصص والحالات اللي مرت عليه وهي شبيها بحالتك فيعطيك امل بانك راح تكوني مثلهم قصة يحكيها ويستشهد فيها لمريض غيرك يطمنه فيها هذا بالضافة انه يشرح الاعراض وطريقة التعامل معاها

اما بالنسبة للادوية فهو ما يستطيع ان يصرف دواء لانه معالج نفسي وما هو طبيب نفسي يعني ما درس علم الدواء
اذا انتي تطلبين منه شئ ما يفهم فيه او علمه فيه بسيط يخليه يردد كلام هو ماجربه ولا احتاج له يشلون يحكم عليه يعني من خلال تجربه الزناكس مهدئ الواحد ياخذه وقت اللزوم للضرورة لانه يدوخ ويهدي الاعصاب خلال النوبة لكن مو على طول السيبرالكس مفعوله غير حتى ماهو من نفس المجموعة مضاد اكتئاب هو والسيروكسات والتريبتيزول وغيرهم وها الادوية تعتبر علاج لتعويض السيرتونين انا جربتها ماتدوخ مثل الزناكس ولا الفاليوم اذا ماهي مخدرات الدواء اذا اخذتيه تحت اشراف طبيب نفسي متخصص لاتخافين توكلي على الله وخذيه اذا حاسة انك تقدرين على العلاج من غيره انا اقولك لا تاخذينه بس ماقول مخدرات فيه مثل يقول المرء عدو مايجهل

المهم انك تشرحي للمعالج وتبلغيه كل اللي تحسين فيه اذا استمر ومااهتم لكلامك وانتي شايفة انه مافي نتيجة هو للحين يستهزأ ومستمر بالقسوة روحي لغيره واخذيه يتعالج معاك

تحياتي


 

رد مع اقتباس