نفساني - عرض مشاركة واحدة - وردة الحب الصافي،،،،منكم،،،لكم،،،ومعكم،،،،!!!

26-04-2010, 06:00 PM

مساء الخير ياجماعة الخير ياشيلين هم الغير

اهه حد ينزل عنى شوية الهم دول خلينى اعرف اتنفس شوية

خدى ياوردة وانت ياسامة واسنيدى ياعم عمر

البت علا بنتى تعبت قبل السفر بيومين وبرضو غيبوبة ورحنا للدكتور المخ وهى طبعا زى ما بعضكم عارف

مركبة جهاز فى رسها والخوف مش من الفلوس الخوف من المها وعذبها وعذبنا

تصدقوا ياجماعة لما مامتها عرفت ان ممكن ندخل فى عملية عملت مياة على روحها

وانا قلت يارب سويها من عنك خلاص مبقاش عندى تصديق لأى دكتور

المهم الحمد لله عدت على خير وراحت الغيبوبة بالرقية والقران وقبل كل دة الدعاء الى ارحم الرحمين يرحم بنتى

الوحيدة عجبانى معاقة وعجبناى وحبيبتى وروحى وعمرى كلة ليها -لو لو- حبيبة بابا بموت فيها

على عينى سفرى بس بطمن عليها كل يوم

اسألكم الدعاء ان ربنا يشفيها

شكرا على شيلة الهم دى وادينا بنفضفض خصوصا انا محبش اقول حاجة لحد اعرفة علشان بيتفتكروا

انى عاوز حاجة منهم

وساعات بيخبوا اولادهم مننا لأن بنتا الوحيدة مريضة فاكريين ممكن نحسد اولادهم ميعرفوش ......معليش

وكل ما نزور حد

نروح نبكى انا وامها وبطلنا نزور حد ومش عاوزين حد يزورنا الا اللى يعرفونا ولأسف طلعوا اللى يعرفونا وفهمنا

مش قرايبنا ويثقوا فينا ويسبوا ولديهم يلعبوا معها -لولو - الجميلة الطيبة حبيبة الملآئكة الطهرة الجميلة الحنينة

حنينة اوى اوى اوى تصدقوا لو شافتنى ابكى تجرى عليا وتبوس فيا ومتبنش الا لما اضحك والحمد لله فهما وفهمانى وكمان فهمة مامتها

تخيلوا اية شعركوم وانتوا حتى مش عارفين تفسحوا اولادكم لأن الاولاد الحلوين المتربيين يضحكوا عليها وساعا ت

يشتمها ويقولها يامجنونة وسمعتة يقولة ابعد عنها دى مجنونة

واذا دخانا بيترا والالعاب اللى فيها تفضى الالعاب من الاولاد بيخافوا منها لما تصرخ واصبحت وحيدة لكن انا معها اعملها حمار ومسبهاش الا لما تضحك حبيبتى واغلى من عمرى ربنا يخالهالى ديما بصحة وافية قولوا امين

عماد.