اعزائي
يارب تصدقوني لما احكيلكم اني بحبكم في الله, واني برتاح في
الفضفضة معكم اكتر من اي حد تاني من اقرب الاقرباء, ولكن في
مشكلة اني بحس انه في بينا حواجز لأنه كلنا مخفيين اسمائنا ,
وياريت باسماء وهمية, لكن احنا مسمين نفسنا باسم الحالة اللي
بنعيشها, وبحسب النفسية اللي كنتوا حاسينها لحظة التسمية, وهاد
مش واقعنا ولا حقيقتنا.. والله خلق الاسماء عشان نتميز فيها وما
يختلط الحابل بالنابل.. انا صدقا حاولت لما كنت اسجل اني اكتب
اسمي او اتكنى باسم ابني ولكن كان كله مسجل اصلا ولما مليت
وانا احاول اجى زوجي وشافني تايهة فادخل 3 احرف و3 ارقام
بدون ما يكون لهم معنى, وفعلا زبطت.. اللي بطلبه يا اخواني
وخواتي. مش اسمائكم الحقيقية عشان هاي شوي صعبة عليكم..
ولكن على الاقل اسماء للبشر, وخلونا من الالقاب اللي مش
مخلياني اعرف اتفاعل معكم, واللي خلتني ارسملكم
صورة جامدة مالها ملامح.. ارجوكم خدوا اقتراحي على محمل الجد..
واسفه جدا للاطاله