نفساني - عرض مشاركة واحدة

12-05-2010, 12:29 AM

اقتباس:

المشاركة الأصلية كتبت بواسطة ممكن ارجع

هلا اختي ..

ما تشوفين شر ...

نعم اللي فيك هلع والله اعلم او رهاب

واي مريض هلع يحتاج لطبيب نفسي .... حتى لو سلوكي بس ...

تقدرين تكلمينه عن الاعراض والافكار بالتفصيل ؟

الشر مايجيك مشكور/ة

والله انا ماتجيني افكار غريبة غير اني كأني بموت خلاص (الفكرة اللي تجي في مخي اني اموت ومحد جنبي) ويجيني اكتئاب في الليل واحس روحي في عالم ثاني

أحس اني ما اقدر اقعد في حجرتي اروح ادور في البيت ابي اكلم احد احاول اشغل نفسي بالتلفزيون او الكمبيوتر او حتى اقره دعاء او قران.. بس مافي فايدة الفكرة مسيطرة على مخي

فكرت اني خلاص قرب اجلي ومافي فايدة

يجيني اكتئاب من الوحدة في الليل خصوصا لما الكل يروح ينام واظل بروحي
انا انام بروحي في غرفة وما اعرف انام الا والحجرة ظلمة

الأعراض مثل ماذكرتها : اول نوبة كانت الاعراض حادة كنت ارتجف كامل لدرجة ماكنت اقدر امشي باتزان وكنت احس ببرودة وقلبي يخفق بسرعة لدرجة احسه انه بيوقف خلاص كنت احس بقوة وسرة النبضات ماكنت ادري اشفيني فقعدت ابكي =(

ودايما افكر في الموت اقول الحين عزرائيل بياخذ روحي شنو بكون مصيري ياربي

بس امس قدرت اتحكم اشوي بنفسي قعدت اقطع نفسي و اخذ نفس عميق
اشوي الحالة خفت
والشي اللي تذكرته انه امس شربت كمية كبيرة من الكوفي قبل ما انام يمكن هذا ساعد على حدوث النوبة

لانه قريت انه المنبهات لها دور كبير على تحفيز حدوث النوبات

واكتشفت انه امي تجيها نفس الحالة لما كانت بنت بس كان خوفها من الأمراض كانت دايما تتخيل انها مريضة او انه في شي يمشي في ايدها يعني وسواس من الامراض

قلت يمكن بعد الموضوع له علاقة بالوراثة؟