محـــــال

بيانات اضافيه [ + ]

رقم العضوية : 29160  تاريخ التسجيل :  11 2009  أخر زيارة : 29-07-2012 (04:46 AM)  المشاركات : 167 [ + ]  التقييم :  66

لوني المفضل : Cadetblue

تجربه تخلصي من الرهاب الاجتماعي والسلوكيات التي اتبعتها

الســلام عليكم ورحمه الله وبركاته

طبعا هذي تجربتي وماكان فيه شخص مشرف عليها
مثل دكتور او اخصائي..




يمكن تقولون كلامك يامحال نعرفه لاكن مافاد معنا..
هذا لانكم جربتوه مره اومرتين ماشفتوا نتايج وتركتوه..
لاكن استمر عليه لان مافي شئ يجي بالسـاهل..








اذا انت صادق..وجاد..وعندك عزيمــه للتخلص من هذا الرهاب..تفضل واكمل الموضوع..
إذا انت شخص متردد وتقول يمكن تنفع معي ويمكن لا...فمن الحين اقولك لاتكمل موضوعــي:cool:..

طبعا الموضوع طويـل..يعني اذا عندك وقت ورايق يكون افضل






اعتبرها دوره مكثفه لاني كنت اشتغل يوميـآ على نفسي
تفيد اللي فيهم رهاب مزمن ...


وبحثت كثير عن علاج لرهاب وطلعت بالمسببات لعلاجه ..
وهي:
1- افكار.
2- سلوك.
وهذا النقطتين لازم نشتغل عليها وهي اساس الرهاب كله..
وضعت لي خطه وجدول للسوكيـات اللتي سوف اقوم بها..



1-الافكار..
طبعا قبل ماتبدء بالسلوك..لازم تشتغل على فكرك..
لان كل رهابي فكره مغذى ومشبع بالافكار السلبيه اول الافكار التحبيطيه.. وللاسف احنا نميناها وسقيناها بالتفكير فيها وتعضيمها وهي وجدت لها مكان مهيئ ويستقبل فجعلت لها جذور في راسك ..
وتمرين تغير العقل او تغير لاافكار بدئت فيه قبل التمارين السلوكيه بـ(4 آيام)
لان الافكار السلبيه كان متجذره في راسي وكنت مقتنع جدا بها
وللاسف هي خطاء في خطاء
ولكي يكون عقلي الاواعي مهيئ للسلوك الذي سوف اقوم به..

ــــــــــــــــــــــــــــــــــــ

تمارين الافكـار (يوميـآ..يوميــآ ..يوميــآ)

1-اقتلاع الافكارالخاطئه وتبديلها بالافكار الايجابيه او لاافكار(الصحيحه) كيف.؟؟
من الان ماتدخل في راسك كلمه(صعب /ماقدر/مستحيل)من الان..حتى لو كان عندك شئ صعب وميقن انه مستحيل واللي حولك يشهدون بهذا مع ذالك لاتقول صعب..قول اقدر اقدر اقدر..
مثل لو اقولك روح الان (وانت رهابي) اخطب في احد المساجد..اكيد هو صعب عليك لاكن لاتقول (صعب) قول (اقدر ..اقدر..اقدر)..





2-خصصت لي حوالي ساعتين في اليوم..لاكن غير متواصله..
الصبح نصف ساعه والعصر نصف ساعه وهكذآ..
وكنت اقفل غرفتي ..اولع المكيف عشان محد يسمع صوتي
اوقف..ارفع راسي..(اشد على اعصابي ونفس عميق) واقول بصوت عالي انا شخص مهم..انا شخص قوي..(رددها وانت تستشعر معنى الكلمه وليس كلمات تقولها وبس..رددها كل كلمه 150 مره..
رددها وحس انك بالفعل انك مهم تخيل انك مدير:) وانت تقولها.






3-استلقى على السرير وغمض عنونك تخيل انك جالس بمجلس صغير فيه حوالي 5 اشخاص..تخيل اشكالهم تخيل ملابسهم ..جلستهم اي استشعر وجودهم بالفعل وخذ نفس عميق
خليك 5 دقائق..
بعض الاحيان لما كنت افكر فيهم كانت دقات قلبي تزيد..






4-عندي صديقين خيالين(في الخيال) واحد اسمه(يزن واحمد) اتخيلهم جالسين معي ..اتخيل بالفعل وجودهم حتى جلستي كنت اجلس زين وكان وجهي يحمر واحس
بشوي ضيق في تنفسي و كل ماجيت اسوي هالتمرن كنت اشيل همهم..وكان مدته10 دقـايق..





5-لاتقول هذي السلوكيات معروفه وسويتها وماجابت اي نتيجه..
بقول انت على خطاء ..في البدايه صحيح ماكانت احس باي نتيجه..او تغيربسيط لاكن بعد فتره اكثر من اسبوع لاسبوعين لاحظت تغير كبير كبيررر على افكاري صرت امنع اي فكره سلبيه تدخل في راسي ..حطيت حظر على اي فكرة سلبيه وعاهد نفسي ان ماافكر بشئ سلبي ..



6- ماانسى اذكركم بـ(الاستغفـار) فقط 5 دقائق..






نجي للسوك..
طبعا كنت (معاهد نفسي) اجبرها على السلوك ..اللي خططت له.







اول يوم لي في السلوك
بس مجرد التفكير في السلوك اللي بسويه كان بداخلي شعور واحد منهار حسيت كل خليه في جسمي تنبض..لاكني ماالتفت لهذا الشعور وضليت اردد الكلام الايجابي ولاحضو اني ماقلت اي كلمه سلبيه ابد ابد ولاقلت اني مااقدر وصعب واخواتها..







طبعا راح اعرض لكم سلوكيات كنت اقوم فيها شوفوا كيف كان حالي قبل السلوك وبعده(وكل واحد فيكم بكيفه اللي بيطبق السلوكيات بيشوف خير واللي بيتردد ويقول صعب بقول خليك على الرهاب والامراض النفسيه...الناس تغيرو وكلن شاف دربه وانت معزول عن العالم)...



السلوكات اللي مريت فيها كثيره لاكن راح اذكر لك ابرز السلوكيات اللي كان لها اثر كبير في تغير شخصيتي..




تــآبع

المصدر: نفساني