بندق

بيانات اضافيه [ + ]

رقم العضوية : 30137  تاريخ التسجيل :  04 2010  أخر زيارة : 25-03-2013 (02:45 AM)  المشاركات : 251 [ + ]  التقييم :  10

لوني المفضل : Cadetblue

السلام عليكم ......

أول شئ أختي شنو نوبة الهلع اللي جاءت لك ماهي أعراضها ؟

بعدين الهلع سببه القلق ..والقلق سببه الهلع والأثنين قمة الملاقة مايجيك الواحد منهم الا ساحب صاحبه وياه

يمكن القلق شويه يستحي وعنده دم مقارنة بالمليق اللي اسمه الهلع ،القلق ممكن مرة أو مرتين يجيك بروحه

لكن الهلع يدرعم وصاحبه معاه من أول مرة تابع ما يفارق المسكين اللي عايشه ويتعذب ولو كانت نوبة الهلع حاليا غير موجودة الا ان القلق المصاحب لها موجود قاعد على القلب .

أنا خبير بضغط الأذن والهواء من خلال مشوار هلع قريب من السنتين طبعا مع باقة أعراض أخرى أشد أو أخف

يعني سي في هلع والغصة في الحلق كانت في بداية المشوار لا تحاتين ولاتخافين كلها أعراض طبيعية للهلع

الغصة : هي عبارة عن كرة تنس أرضي بحجم كرة تنس طاولة علشان تسكر البلعوم وتنشفه

لازم تراجعين طبيب ولو كان في المستوصف لانهم يعالجون ويصرفون الأدوية المناسبة للحالة

تحياتي وتمنياتي بالشفاء العاجل باذن الشافي المعافي سبحانه