|
المتفائل ابغاك في كلمه راس
السلام عليكم
يارب تكون في افضل صحه وعافيه
اولا انا ماعرف كيف شخصيتك ومدى تقبلك للكلام من الناس الي ما تعرفهم
انا ملاحظه انك تستخدم ادويه كتير ومتطمن منها ومبسوط كمان !!!!
ايش رايك اني انا ما استخدم ادويه ابدااا الحمدلله مرحله علاجي كانت:
حاولت مع نفسي سلوكي
بذور واعشاب
سلوكي مع الدكتور محمد منذر
وربي اني ماشاءالله كأني كنت احلم اتعالجت ووصلت لمرحله مره حلوه ماشاءالله تبارك الله
ايش رايك تجرب الدكتور والله عجيب ؟؟؟
والله مو هاين عليا انك تاخد ادويه كتير ومتطمن معاها لدي الدرجه
يقولك علميا لو دهنت كريم طبي على جلدك له اثار جانبيه اما قريبه او بعيده الامد فمابالك بالادويه
الله يخليك فكر عشان خاطر صحتك وحياتك المستقبليه
صحيح انهم مخصيصين الادويه هادي للاستخدام الطويل الامد او مدى الحياه بس دا مو شي حلو ايش رايك حياتك احلى بها او باللتزام بها؟؟
واسفه لو اتدخلك في شي ما يخصني او ضايقتك بشي >>>والله اني ملقوفه سامحني
اسفه والله جدا
لو ما عجبك كلامي احذف الموضوع فورا وبلا تردد
|