بندق

بيانات اضافيه [ + ]

رقم العضوية : 30137  تاريخ التسجيل :  04 2010  أخر زيارة : 25-03-2013 (02:45 AM)  المشاركات : 251 [ + ]  التقييم :  10

لوني المفضل : Cadetblue

يا جماعة ها الحكي مايفيد رسالة ماعرف ايش وانا بتغلب عليك وسنفترق ومليت منك الهلع مايسمعك واذا سمعك بيضحك عليك ويقول لك ورني مراجلك هذا يذكرني بالاستنكار العربي والشجب لكل ماتفعله اسرائيل انتو عارفين ان الهلع باقل تهويشه بيسدح الواحد فينا ويمرمطه رايح جاي
ويخلي الواحد فينا يحوس ويغني اغنية ظلموه انا خلاني الف وادور داخل البيت والوي اكلم نفسي نزل وزني 10 كيلو باسبوع يمكن ماشي 1000 كيلو داخل البيت الحل هو المواجهة بالفعل يعني انت عارف ان اللي فيك هلع تروح للطبيب النفسي المتخصص واكرر طبيب مو معالج طبيب يعطيك دواء وتلتزم فيه والمعالج ما اغفل دوره لكن دوره بالعلاج المساند العلاج السلوكي طبعا تتوجه الى الله قبل كل شئ وتاخذبالاسباب ما أنزل الله سبحانه من داء الا وأنزل له دواء هذه مادةناقصة محتاجة الدواء يعوضها ومن غير هالدواء بتتعب وانت غايتك بعد رضى الله الشفاء ياأخي وعندك الحل اللي هو نعمة من الله وانت تقول لا انا باصراري وعزيمتي بتغلب عليك يالهلع وانا استنكر هجومك الغير شرعي واحتفظ بحق الرد وبعدين الى متى ياأخي تخيل سيارة وقفت بعطل والعطل هذا بسبب نقص زيت او بانزين او ماء ايا كان حتى لو ناقصة فيمتو وانت عارف السبب المنطق يقول انك تروح تجيب المادة الناقصة و تملى السيارة علشان تمشي صح ولا انا غلطان ماينفع تقول والله انا ساعالجها واصلحها بالعلاج السلوكي يعني تخيل واحد واقف بجانب السيارة ويقول لها يالله شدي حيلك انتي اقوى من هالموقف وتقدرين تغلبين عليه ولا مستعين بميكانيكي سلوكي يقول لها واجهي خوفك وخرابك وامشي ولا واحد ثاني يقول لها ترى مليت منك ومو من حقك توقفين علي بالشارع والله لو قعد الف سنة يكلمها ويشجعها ماراح تتحرك ولاهي سامعته بس ولو مشى 5 دقائق لاقرب محطة واتى بميكانيكي وعرف العلة والدواء لانتهت المشكلة

ممكن واحد يقول لي بس السيارة ماتفهم العلاج السلوكي لأن ماعندها مخ جوابي هو ان انت عندك مخ والمشكلة في مخك عنده نقص بمادة وانت حارمه منها وتبي تستهلكه وتواجه فيه وتحطه تحت ضغط وفي مواجهة خصم وهو اعزل من السلاح والمشكلة انك تعين المرض على نفسك وعلى مخك انت مايصير تدرب جندي على القتال والجهاد

وهو جريح وعطشان ولسانه طايح بالارض وعينه مبطوطة من غير ماتعالجه وتشربه ماء وتعشيه وتأهله لخوض التدريب ولا الكلام والعلاج السلوكي والجندي منسدح بالارض يفافقق مايوكل خبز انت جذي اجرمت بحقه وخليته فريسة للعدو .

والله الهادي والله المستعان

تحياتي