المشاركة الأصلية كتبت بواسطة غموض نفسي

يناااس واخيرا لقيت احد فاهمني وحاس باحساسي بحكيكم عن معاناتي مع نوبات والعله اللي ماكنت ادري وش صابي بالضبط اول ماجاتني وانا نايمة تخيلوا صحتني من النوم صحيت من النوم لو تسالوني هل كنت احلم بقولكم لا بس جاني رعب وهلع مفاجئ خلاني اصحى من النوم زي اللي صحي من كابوس مفجوووعه خااااااايفة على الاخر
وجاني احساس اني حموت الااان واطالع فوق في السقف ابغى اشوف من وين بيجي ملك الموت ياخذ روحي انا عمري الان 22 سنة واول ماجت ذي الحالة كنت 20 سنة يعني سنة ونص الى الان تقريبا تخيلوا صحيت ورحت غرفة امي وابوي ونمت بينهم من الخوف مافكرت حتى اني ادق الباب جايه شاردة حاسة بضربات القلب سررررريعة واختناااااق فضيع ومو قادرة اتنفس وبرررررررررررررررررررد وارتعااااااش مو طبيعي مدري وش فيني في نفسي اقول معقوووولة انا حموت الان لااااااااااااااااااااا يارب لاااا مستحيل انا مو مستعدة وشوفني تقولون صحابية اش استغفر وادعي واتخيل الناس كيف يجيهم الخبر صحباتي امي اش ردة فعلها اخواتي اهلي اقاربي كل الناس تخيلت ردة فعلهم انا صغيرة شابة ياااارب اني ماموت فجاءه ولا اموت انا صغيرة ولا اموت الا وانت راضي عني يااارب كل هذا في خلال نص ساعة فجأه نمت شفتوا اللي كان يجري او يلعب رياضة كيف يجي هلكان يبغى ينام شكله كذا يحزن من التعب انا كذا كنت نمت نومة وحدة هلكانه تعبانه كاني اديت مجهود جبار صحيت من النوم كاني صحيت من نوبه صرع مو مستوعبه اش اللي صار ليه جاني هذاك الشعور وليه خفت هذاك الخوف كله مو فاهمة مااعطيت الموضوع اهمية ونسيتوا وكان وقتها على اخر السنة قرب الصيف ولا حكيت احد عن اللي صار ابدا خفت يقولون معاك حالة نفسية المهم عدت وخلصت السنة وبدت الصيفية وسفرنا وكنا يوم من الايام متجمعين واحنا وخالاتي وبنات عمي في بيت عمي وكنا نتفرج مسلسل كوري عادي مافي اي نوع من الرعب او العنف فجأه اثناء المسلسل والكل منجسم وانا بعد كنت منسجمة ولا في بالي كان اي تفكير سئ او تشائمي فجأه حسيت بخوف نغزة في قلبي وقمت حتى اللي جنبي لاحظت اني قفزت قالت وش فيك ؟؟ قلت ولا شي قمت ورحت حطيت راسي على رجل امي وفي نفسي احس اني بموت الان بعد ساعة دقيقة ثانية المهم امي تسالني وش فيك؟ قلت مدري مو عارفة وش اقول احس اني بموت يسير تتجنن سكت والباقين محد منتبه جاني تفكير ابي اقول لامي اتصلي على الناس قولي لهم يسامحوني بس مجرد تفكير ابي انكر الواقع لالاااااااااا ماابي اموت لا يارب ماابي اموت واستغفررررررررررر وادعي سرت قالب ثلج كان احد شبكني بكهرب ارتجف بشكل مو طبيعي وخااايفة اقول معقووولة حموووت الحين لااااااا اعوذ بالله وجاني مغص في بطني واروح الحمام الله يكرمكم واجي من الحمام واروح الحمام واجي من الحمام يعطوني شاهي اخضر حار يبغوني ادفى شايفني ارتجف يحسبون من البرد مايدرون اني بموت من الخوف شوي جات الله يسعدها ويفرج عنها ويوفقها دنيا واخر اللي فرجت عني وريحتني وقالت لي انتي تحسين كذو وكذا وكذا صح.؟؟ قلت ايه ايه بالضبط قالت لا تسرسلين هذا وسواس ترى نفس اللي جاني تعبت وعانينت منه لا تهتمين فيه تعوذي من ابليس كانها جابت مويه وكبت عليه هدئت وارتااااااااااااااااااااااحت الحمدلله على كل حال وحكيتي ماانتهت الى هنا مواااقف كثيرة......
اغربها (انه احيانا احس يجيني احساس انه اليوم الفلاني اللي بيجي راح اموت انا مااراح اعيش لذاك اليوم او للاجازة الجايه او للعزيمة الجاية اذا كان فية عزيمة ومبسوطة فيها وابيها تجي بسرعة وهكذا تشاؤم طول عمري من بعدها عايشة على التشاؤم تعبت تعذبت الحمدلله خايفة اني اموت خايفة اهلي يموتون مااابي ولا احد يموت)
تقريبا من غير مبالغة احساس الموت صار صديقي اللي لا يفارقني ولا ثانية مايمر يوم مااحس خاصة لمن تقرب الدورة الشهرية الله يكرمكم طولت عليكم صح؟ بس فضفضت لكم ابي اي احد يحس زيي يقولي الله يخليكم ريحوني