نفساني - عرض مشاركة واحدة

31-05-2010, 09:13 AM

حبيبتى نفسى افرح انتى قولتى انه عنده حاله هلع وهو نايم يرتجف
فعلا حبيبتى الزانكس يستخدم للتخفيف من نوبات الهلع ولكنها ليست علاج لا للهلع ولا للاكتئاب كما ان الاستمرار عليه هيعمل تعود عليه وهيكون صعب يوقفه الاهم من الزانكس انه ياخد علاج حقيقى مثل السيبرالكس فهو جيد كعلاج للهلع والاكتئاب ولكنه سيؤثر على الناحيه الجنسيه فى فتره تناوله للدواء
لكن هل نوبات الهلع دى كل يوم وهو نايم والااحيانا وهل تاتى وهو صاحى؟ وليه شايفه انها حاله هلع مش كوابيس
وانا شايفه حبيبتى انه لا يشركك معاه لا ياخد معاه للدكتور لتعرفى عنده ايه بالضبط وياخد علاج ايه ليه كده انا عارفه انه هو الى عايز كده احيانا كتير بيكون المريض رافض تدخل اهله فى مشكلته حتى لا يشعر امامهم بالضعف لكن انتى حبيبتى بطريقه الزوجه المحبه وبكل ود عرفيه انك مصممه تشركيه همه وانك مش مضايقه غير انه بيخبى عليكى يعنى زى كده انتى برضو اعلم بطريقه تعاملك معه لتعرفى ما بداخله ولما يحس انك بتسنديه ده هيحسن كتير من حالته ان شاء الله وانتى كمان بتقولى ان عنده مشاكل فى شغله هل المشاكل والحاله الماديه دى هى سبب اكتئابه والا المشاكل موجوده على طول والاكتئاب ظهر كده بدون سبب ومفيش طريقه لحل المشاكل دى ؟وصعب انه يحاول يحسن من وضعه وهو فى الحاله دى .
وانتى اختى رافه به فهو الان انسان محطم مكتئب يعانى فى عمله وانتى تفكرين فى الطلاق لدرجه من شده الضغوط الى عليه بيرتجف وهو نايم حاولى شاركيه فى حاله الهلع دى اعرفى بيفكر فى ايه خايف من ايه كلامه معاكى هيخفف كتير من الضغوط الى حاسس بيها وان شاء الله ازمه وتعدى واهنا معاكى فى اى سؤال والله معاكى ومعاه ومعانا جميعا يارب