السلام عليكم ورحمة الله وبركاته
أنا مشكلتي مشكلة
بعد ما توفى والدي الله يرحمهه أمي تغيرت كتيير ( بعرف بسبب الصدمة ) وبعرف بدها وقت
بس أنا ما عاد فيني اتحمل أبدا
عندي أخ وحيد وأكبر مني بتعامل أكتر ما بتعاملنا إلنا
يعني بتهتم فيه أكتر منا بأمور كتييييرة
بتعرف إنه عم يحكي مع وحدة بس ما بتخانقه
ولو عرفت إن حكيت مع واحد بتقوم البيت وما بتقعده
هي مسايرته كتييييييييييييير
حتى لو في بعض الكلمات والحكي عيب نقولها ياها بس لما يقولها هو بتمشيها وما بتقول شي
طيب نحن شو ذنبنا
اليوم كنا بالسوق وكنت من زمان عم جمع حق mp3 سعره حلو يعني 1 مية وشوي
وكنا متفقين عليه بيناتنا بعدين اجت اختي الأكبر وقالت ( لا خلو المصاري لتشتروا بلاي ستيشن ) وماما قايلة من قبل لا وأنا بقول لا ( ليش ) لأنه حيصير كل فترة بدا ألعاب ألعاب
أما mp3 بنزل اللي بدي ياه من الانترنت ومجانا
راحت غيرت رأيها وقلتلها إنو إنت بتسمع كلمة محمد لأنه لو قال لا يعني لا
عم تعامله كأنه والدي الله يرحمه ( صحيح هو ولي أمري بس بضل أمه هي )
وبعدا زعلت وقال لا هاد ولا هاد...
يعني شو أعمل بحالي؟:24hu8:
خبروني