نفساني - عرض مشاركة واحدة

06-06-2010, 07:48 PM

ماس حبيبيتى انا عايزة أقول لك حاجة ....

أنتِ شكلك صغيرة .....وأنا بدأت معاناتى زيك كدة صغيرة

وكنت فاكرة إن مفيش حد من أهلى حاسس بى ...وكنت

زيك كدة ...بكتم فى نفسى .....وكانت ضربات قلبى زايدة بشكل

غير طبيعى ....وابى كان بيلف بى على كل الأطباء ....والكل كان

بيقول إنى سليمة عضويًا .....وزى ما قلت لك كنت فاكرة أهلى مش

حاسين إنى بعانى ...لكن لما كبرت شوية فهمت إنهم كانوا حاسين

بكل معاناتى لكن من شدة حبهم لى كانوا فاكرين إنهم ...الأفضل ما يعرفونيش

إنهم عارفين ....لكن عارفة يا ماس ....لو عادت الأيام تانى ....مش هكتم معاناتى جوايا

هكلم فيها ...امى وأبى ,,,وأخواتى ...لأنى لما كتمت معاناتى زيك كدة

وكنت أكلم نفسى بس.....زادت أمورى سوء....صدقينى أنا بكلمك علشان

مصلحتك ...علشان أوفر عليكِ معاناة كبيرة ....كلنا هنا اخواتك وهنسمعك

لكن لازم الدعم يكون من أهلك ....اترمى فى حضنهمم ...قولى لهم إنك محتاجة

لهم .....صدقينى ...اسمعى كلام أخت أكبر منك عاشت معاناتك وندمانة أشد الندم

على كتمانها ....معاناتاها .....ومستنية أسمع ردك يا ماس