نفساني - عرض مشاركة واحدة

06-06-2010, 10:55 PM

السلام عليكم
بصراحة أول مرة أحس ان في ناس هالكثر يعانون من نفس المرض والاعراض ،
كنت دائما اتوقع أن بس اني الي اعاني في العالم ،وأحس ان ما حد من هالناس في شئ
بس اكتشفت مؤخرا ،ان ما حد يتجرء ويقول الي فيه لانه دائما يستحي من قول الحقيقة .
وكنت دائما متوقعة بأني أحمل اكبر الهموم وأعظمها .
لكن يا سبحان الله يوجد من يحمل أكثر وأكبر ، على فكرة يا أخت غموض نفساني وأنت تقصين قصتك كأني عايشه دورش باختلاف الاحداث والاماكن والاوقات .
لان أنا بدأت قصتي في شهر رمضان الفائت ، في ليلة من الليالي ما شفت روحي الا كان نفسي مكتوم وشئ قاعد على صدري وخوف وهلع وقمت أصيع وقلت أني خلاص بموت ما في مفر ، وقمت أصيح وأقول إلى زوجي قوم ودني المستشفى موقادرة أحس أني ما أقدر أتنفس ، وقام ووداني لان أول مرة يشوفني على هالحالة . ورحت وسوا الفحوصات والتحاليل وفالوا أني حموضتي مرتفعه بسبب شهر رمضان وخرابيط الاكل ،
ومن ذاك اليوم بدأ المشوار ، مشوار المستشفى والبيت والبيت والمستشفى . لدرجة أني كرهة شقتي ورحت أنام بيت أبوي من كثر الخوف إلى أني فيه ، وصرت ما أقدر أنام وكوابيس وأشياء غريبة عجيبة ، لدرجة أني وكنت دائما أبغي أروح المستشفى ، كله أعتقد أني فيني شئ يعني مرض يوم قلب ، يوم سرطان " بعيد الشر عن الجميع ويوم ما أدري ويش وكل يوم مرض، وكل يوم أدخل النت وأروح مواقع الامراض وأعراضها وكنت أتخيلها على نفسي ومن كثر ما وسوست حسيت أني بستخف ، لاني ما أقدر أنام لاني كنت أحس أني إذا نمت ما بقعد وكل أحس ان قلبي يرقع بقوة من الخوف إلى يصيدني ونغزات في صدري وغيرها .إلى ان اقترح على أحد الدكاتره الله يجزاه خير ان اروح إلى دكتور نفسي وفعلا رحت ، ولم بدأت اتكلم قعدت اصيح وأقول إلى الكتور ما ابغي اعيش بهالشكل ، أبغي ارجع مثل قبل ، قال الدكتور بترجعين انشاء الله مثل قبل وأحسن بس توكلي على الله وخل عندش اراده قويه وبدانه الجلسات وكانت عبارة عن جلسات روحانية ونفسية في نفس الوقت كان الكتور دائما يردد كلمة أثرها على النفس كبير وهي """"""""""""" لان الله يحبش فبتلاش """""""""""""""""" وهذا بلاء وانشاء الله بتتخلصين منه
.................................................. ..................
الحديث طويل والحين كتبنها الجزء الاول منه

انشاء الله مع الامل والتفاؤل غدا سأكتب المزيد عن قصتي