|
واسواس الامراض ويش الحل ليه يا جماعة
مساء الخير والنور على المتفائلين ...........
والله ما أدري من وين أبدء
ومن أي مرض أكتب والله يا جماعة تعبني الموضوع أنساه فترة الحمدالله
بس إذا يرجع ، أحس أن الدنيا مقفله في وجهي وما أعرف ويش أسوي ........
اني كل يوم أحس تلح علي هالافكار الشيطانية أني فيني كذا وكذا
أول حاجه قلت أن فيني القلب وكنت أحس بوخزات وشد وما أعرف شنو وأيدي اليسار اتعورني """ على فكرة انا من النوع إلى يحب يقرأ عن الامراض وأعراضها " فتزيد عندي الفكرة وأروح المستشفى وأسوي الفحوصات ويضحكون الدكلترة وأني انقهر وأحس انهم ما يفهمون وأظل في داخلي أقول أن فيني .... وتستمر وياي الالام لان أصلا الفكرة ما تروح من مخي أبدا ...
ويوم إذا نسيت موضوع القلب ، جه مرض والعياذ بالله ثاني ومن أسمع عن أحد فيه مرض أو أي شئ أتخيل الاعراض وأحس كأن فيني وتبدأ المعانة .
والله ساعات أحس بتفاهة أفكاري بس تظل تلح الفكرة
وأطلب من الله دائما في كل صلاة أن يخلص المؤمنين ويخلصني من هذا الوسواس اللعين .
الله يعيني ويعين المؤمنين والمؤمنات وكل من ابتلى ببلاء
إلى عنده تجربه في هالنوع من الوساوس يعرضها وإذا توصل إلى حل بأذن االله
لان من ملاحظاتي أحس اذا الواحد يقرأ تجارب غيره يستفيد منها ويحس أن مو وحيد
أشكركم جزيل الشكر
|