نفساني - عرض مشاركة واحدة - وردة الحب الصافي،،،،منكم،،،لكم،،،ومعكم،،،،!!!

10-06-2010, 09:12 PM

بمناسبة بدء فعاليات المونديال بكرا

لو حد عندو ذكريات طريفه عن مونديالات سابقه شافها

ياريت يمتع أعيننا بذكرها ....

بالنسبه لى أنا :

لاأنسى ماحييت أول مونديال ( شفتو ) على الهواء

كان مونديال 1982 ؛ واللى فازت بيه إيطاليا بعدما تغلبت

على ألمانيا ( الغربيه وقتذاك ) فى المباراة النهائيه بثلاثيه

ولا أروع ..

كنا لسا شاريين التليفزيون من حوالى سنه ؛ وكان له بهجه

ورونق عجيب ..

صحيح كانو قناتين بس .. وكان ساده ( مش ملون )

لكن كانت الرؤيه والمتابعه قمه فى الإستمتاع

أذكر أيامها كنت متابع بحماس للبوندزليجا ( الدورى

الألمانى ) لسبب بسيط : ان القناه التانيه كانت بتذيع

ماتشاته مسجله ومختصره .. فكنت تقريبا عارف جميع

لاعبى المنتخب الألمانى ؛ وعارف كل فرد بيلعب فى أى

نادى ؛ وأخذنى الحماس أيامها لتشجيع الألمان لدرجه لو

كان ( هتلر ) عايش كان منحنى نجمتو الشهيره

ههههههههههههههههههههههه

المهم

كان من الماتشات اللى ماتتنسيش : ماتش المانيا وفرنسا

وكان بيضم ( فطاحل ) فى الجانبين :

بارتنير ؛ ورومنجيه ؛ وروبش ؛ ولتبارسكى ؛ وطبعا القيصر

دا فى الجانب الألمانى

يقابلو فى الجانب الفرنساوى :

بلاتينى الساحر ؛ وتيجانا الأسمرانى ؛ وألان جريس

الماتش كان ماشى فى صالح الفرنسيين

لغاية مانزل ( معشوقى آنذاك ) كارل هاينز رومنجيه

ههههههههههههههههههههههههه

قلب الطاوله على الفرنساويه

وبلمساته الساحره حول الدفه للألمان

ليلتها : فرحت فرحه ؛ قل أن تتكرر بسبب ماتش كوره

رغم إنى زى مابيقولو :

لا لى فى ( التور ) ولا فى ( الطحين )

هههههههههه

لكنها كانت فرحه عارمه بفوز الألمان ....

مش حأكمل لكم بقى ؛ عشان ماأوصلش لصدمة الفاينل !!!!!

خلينا فى ذكريات السعاده

يارب كل من يقرأ

ومن لايقرأ

ينال من هذه ( السعاده ) النصيب الأوفر

والحظ الأكبر

عفوا للإطاله ..

لكنها تداعيات ( مسببه )

هههههههههههههه

اتمسوا بالخير ...